Ramiki za tabele a tabelowe cele definować

Předdefinowany ramikowy stil nastajić

1. Wubjerće tabelowe cele, kotrež chceće změnić.

2. Klikńće na symbol Ramiki w symbolowej lajsće Tabela (Writer) abo na lajsće Linija a pjelnjenje, zo byšće wokno Ramiki wočinił.

3. Klikńće na jedyn z předdefinowanych ramikowych stilow.

   To aktualnemu ramikowemu stilej tabelowych celow wubrany stil přidawa. Wubjerće prózdny ramikowy stil horjeka nalěwo we woknje Ramiki, zo byšće wšě ramikowe stile zhašał.

Swójski ramikowy stil nastajić

1. Wubjerće tabelowe cele, kotrež chceće změnić.

2. Wubjerće Tabela – Kajkosće… – rajtark: Ramiki (Writer) abo Format – Cele… – rajtark: Ramiki (Calc).

3. Wubjerće we wobłuku Swójski kromy, hdźež maja so w zhromadnym wuhotowanju zjewić. Klikńće na kromu w přehledźe, zo byšće wuběr kromy přepinał.

4. Jeli wjace hač jednu linku abo špaltu wuběraće, móžeće linije mjez linkami abo špaltami změnić. Wubjerće srjedźne marki we wobłuku Swójske.

5. Wubjerće linijowy stil a barbu za wubrany ramikowy stil we wobłuku Linija. Tute nastajenja so na wšě ramikowe linije nałožuja, kotrež su we wubranym ramikowym stilu wobsahowane.

6. Wospjetujće poslednjej dwaj krokaj za kóždu ramikowu kromu.

7. Wubjerće wotstup mjez ramikowymi linijemi a wobsahom strony we wobłuku Nutřkowny wotstrup.

8. Klikńće na W porjadku, zo byšće změny nałožił.