Ramiki za wotstawki definować

Předdefinowany ramikowy stil nastajić

1. Stajće kursor do wotstawka, za kotryž chceće ramik definować.

2. Wubjerće Format – Wotstawk… – rajtark: Ramiki.

3. Wubjerće jedyn ze standardnych ramikowych stilow we wobłuku Standard.

4. Wubjerće linijowy stil, šěrokosć a barbu za wubrany ramikowy stil we wobłuku Linija. Tute nastajenja so na wšě ramikowe linije nałožuja, kotrež su we wubranym ramikowym stilu wobsahowane.

5. Wubjerće wotstup mjez ramikowymi linijemi a wotstawkowym wobsahom we wobłuku Nutřkowny wotstup. Móžeće jenož wotstupy ke kromam změnić, kotrež ramikowu liniju maja.

6. Klikńće na W porjadku, zo byšće změny nałožił.

Swójski ramikowy stil nastajić

1. Wubjerće Format – Wotstawk… – rajtark: Ramiki.

2. Wubjerće we wobłuku Swójski kromy, hdźež maja so w zhromadnym wuhotowanju zjewić. Klikńće na kromu w přehledźe, zo byšće wuběr kromy přepinał.

3. Wubjerće linijowy stil, šěrokosć a barbu za wubrany ramikowy stil we wobłuku Linija. Tute nastajenja so na wšě ramikowe linije nałožuja, kotrež su we wubranym ramikowym stilu wobsahowane.

4. Wospjetujće poslednjej dwaj krokaj za kóždu ramikowu kromu.

5. Wubjerće wotstup mjez ramikowymi linijemi a wotstawkowym wobsahom we wobłuku Nutřkowny wotstup. Móžeće jenož wotstupy ke kromam změnić, kotrež ramikowu liniju maja.

6. Klikńće na W porjadku, zo byšće změny nałožił.