Wokna pokazać, přidokować a schować
Někotre wokna w LibreOffice su přidokujomne, na přikład wokno Nawigatora. Móžeće tute wokna přesunyć, jich wulkosć změnić abo je na kromje přidokować.
Wokna přidokować a wotdokować
Zo byšće wokno přidokował, přewjedźće jedyn z dweju krokow:
-
Ćehńće wokno z jeho titulnej lajstu do boka, abo
-
Klikńće dwójce w prózdnym wobłuku wokna, mjeztym zo tastu stłóčenu dźeržiće.Klikńće we woknje Předłohi dwójce na šěry dźěl wokna pódla symbolow, mjeztym zo tastu stłóčenu dźeržiće. Abo tłóčiće +Umsch (⇧)+F10.
Tute metody dadźa so tež wužiwać, zo bychu tuchwilu přidokowane wokno wotdokowali.
Přidokowane wokna pokazać a schować
Klikńće na tłóčatko na kromje přidokowaneho wokna, zo byšće přidokowane wokno pokazał abo schował. Funkcija Awtomatiske schowanje wam zmóžnja, schowane wokno na chwilu pokazać, hdyž na jeho kromu klikaće. Hdyž do dokumenta klikaće, so přidokowane wokno znowa schowa.
