Awtomatiske spóznawanje URL znjemóžnić

Hdyž tekst zapodawaće, LibreOffice słowo awtomatisce spóznawa, kotrež je snano URL a wuměnja słowo z hyperwotkazom. LibreOffice hyperwotkaz z direktnymi pismowymi atributami (z barbu a podšmórnjenjom), kotrychž kajkosće z wěstych znamješkowych předłohow pochadźeja.

Slědowace teksty so do hyperwotkazow přetworjeja:

Tekst	Awtomatisce skorigowany hyperwotkaz
E-mejlowe adresy	x@x, mailto:x
Webadresy	http://x, https://x, www.x.x
Datajowe adresy	file://x, ftp://x, smb://x

při čimž x je jedne znamješko abo su wjacore znamješka.

Jeli nochceće, zo LibreOffice URL awtomatisce při pisanju spóznawa, maće wjacore móžnosće, zo byšće tutu funkciju znjemóžnił.

Spóznaće URL cofnyć

1. Hdyž pisaće a pytnjeće, zo je so tekst awtomatisce do hyperwotkaza přetworił, tłóčće +Z, zo byšće tute formatěrowanje cofnył.

2. Jeli tute přetworjenje hakle pozdźišo pytnjeće, wubjerće hyperwotkaz, wočińće kontekstowy meni a wubjerće Hyperwotkaz wotstronić.

Spóznawanje URL znjemóžnić

1. Začitajće dokument typa, za kotryž chceće spóznaće URL změnić.

   Jeli chceće spóznaće URL za tekstowe dokumenty změnić, wočińće tekstowy dokument.

2. Wubjerće Nastroje – Awtomatiska korektura – Nastajenja awtomatiskeje korektury….

3. Wubjerće rajtark Nastajenja w dialogu Awtomatiska korektura.

4. Jeli hóčku před URL spóznać wotstronjeće, so słowa hižo z hyperwotkazami awtomatisce njewuměnjeja.

   W LibreOffice Writer stej dwaj kontrolnej kašćikaj před nastajenjom URL spóznać. Kašćik w prěnjej špalće je za pozdźiše wobdźěłanje a kašćik w druhej špalće je za awtomatisku korekturu při zapodaću.