Awtomatiske redigowanje
Wužiwajće awtomatiske redigowanje, zo byšće słowa a mustry definował, kotrež so awtomatisce za redigowanje markěruja.
Awtomatiske redigowanje redigowanje dokumentow LibreOffice wosnadnja, kotrež tekstowe wotrězki wobsahuja, kotrež dyrbja so sensibelnosće abo priwatnosće dla schować.
Tuta funkcija so w dokumentach jako wužitna wopokazuje, kotrež wjacore mjena a druhe wosobinske informacije (na př. kreditne karty, telefonowe čisła atd.) wobsahuja. Manuelne redigowanje tutych dźělow dokumenta by sej nahladnu prócu wužadował, awtomatiske redigowanje wšak móže tutón nadawk na eficientniše wašnje spjelnić.
Cile wutworić
Cile su prawidła a mustry, kotrež awtomatiske redigowanje wužiwa, zo by dźěle dokumenta namakało, kotrež so maja za redigowanje markěrować.
Zo byšće nowy cil wutworił, klikńce na tłóčatko .
Dialog Cil přidać so zjewi, zo by wam zmóžnił, Mjeno za nowy cil definować a tež jeho Typ a Wobsah wubrać. Su tři typy cilow, kotrež móžeće z wuběranskeje lisćiny Typ wubrać:
-
Tekst: Awtomatiske redigowanje za wšěm wustupowanjemi podateho teksta pyta a markěruje je za znjespóznajomnjenje.
-
Regularny wuraz: Definujće regularny wuraz, zo byšće jón wužiwał, zo byšće dokument přepytał. Wšě wotpowědniki so za znjespóznajomnjenje markěruja.
-
Předdefinowany: Wubjerće předdefinowane regularny wurazy, zo byšće wobsah kaž čisła kreditnych kartow, e-mejlowe adresy a tak dale awtomatisce znjespóznajomnił.
Přidajće wšě cile, kotrež chceće na swój dokument nałožić a klikńće na W porjadku. To dokument w LibreOffice draw jako rysowanku ze wšěmi cilemi wočinja, kotrež su z nastrojom Praworóžkowe redigowanje awtomatisce znjespóznajomnjene.
Pokročujće z redigowanjom dalšich dźělow generowaneho dokumenta a ćišćće jón abo eksportujće jón jako PDF.
Hlejće stronu pomocu Lisćina regularnych wurazow, zo byšće wjace wo tym zhonił, kak móžeće regularne wurazy w LibreOffice wužiwać.
Cile eksportować a importować
Klikńće na tłóčatko Cile składować, zo byšće wšě definowane cile w dokumenće jako dataju JSON (JavaScript Object Notation) składował.
Klikńće na tłóčatko Cile začitać, zo byšće cile, kotrež su w dataji JSON importował a na druhi dokument LibreOffice nałožił.
Cile za awtomatiske redigowanje dokumenta so hromadźe z dokumentom składuja. Tohodla su w dokumenće k dispoziciji, po tym zo sće jón składował a začinił.