Faksowy asistent

Wočinja faksowy asistent. Asistent móže wam pomhać, dokumentowe předłohi za faksowe dokumenty wutworić. Móžeće potom faksowe dokumenty z ćišćakom abo faksowym nastrojom wudać, jeli faksowy ćěrjak je k dispoziciji.

Přistup k tutomu přikazej …

Wubjerće Dataja – Asistenty – Faks….

LibreOffice předłohu za faksowe dokumenty skići, kotruž móžeće z asistentom změnić, zo by wašim potrjebam wotpowědowała. Asistent was krok po kroku přez wutworjenje dokumentoweje předłohi wjedźe a skići mnoholičbne wuhotowanske a designowe nastajenja. Dokumentowy přehlad wam zaćišć dawa, kak budźe dokónčeny faks wupadać.

Znutřka dialoga móžeće swoje zapiski a nastajenja kóždy čas změnić. Móžeće tež cyłu stronu abo samo wšě strony asistenta přeskočić. W tutym padźe so aktualne (standardne) nastajenja wužiwaja.

Faksowy asistent – design strony

Definuje stil wašeho faksoweho dokumenta.

Faksowy asistent – elementy

Podawa faksowe elementy, kotrež so maja ćišćeć.

>Faksowy asistent – wotpósłar a přijimar

Podawa informacije wo přijimarju a wotpósłarju za faks.

Faksowy asistent – nohowa linka

Podawa daty nohoweje linki.

Faksowy asistent – mjeno a městno

Definuje mjeno a městno předłohi.

Wróćo

Klikńće na tłóčatko Wróćo, zo byšće nastajenja pokazał, kotrež sće na předchadnej stronje wubrał. Aktualne nastajenja so změnja abo njezhašeja, jeli na tute tłóčatko klikaće. Tłóčatko Wróćo budźe wot druheje strony sem aktiwne.

Dale

Asistent aktualne nastajenja składuje a přeńdźe k přichodnej stronje. Tłóčatko Dale budźe inaktiwne, hdyž sće poslednju stronu docpěł.

Dokónčić

Asistent po wašich wuběrach dokumentowu předłohu wutworja a składuje ju. Nowy dokument na zakładźe předłohi so w dźěłowym wobłuku jewi, z datajowym mjenom „Bjez titula X“.

Přetorhnyć

Hdyž na Přetorhnyć klikaće, so dialog začinja, bjeztoho zo bychu so změny składowali.