Pomoc za LibreOffice 25.2
Strony pomocy LibreOffice so we wašim standardnym webwobhladowaku pokazuja.
System pomocy za wšě wersije softwary na samsnych žórłowych datajach bazuje. Někotre funkcije, kotrež so w pomocy wopisuja, snano w tutej wosebitej distribuciji wobsahowane njejsu. Někotre funkcije, kotrež su specifiske za distribuciju, so snano w tutej pomocy njenaspominaja.
Strony pomocy rozšěrjenjow LibreOffice hišće stary system pomocy wužiwaja. Strony pomocy stareho systema pomocy su tu k dispoziciji.
Klikńće horjeka na stronje, zo byšće wuběransku lisćinu wočinił a wubjerće modul LibreOffice, zo byšće hłownu stronu modula pomocy pokazał.
Jenož w pomocy online k dispoziciji, wubjerće rěč, zo byšće aktualnu stronu pomocy pokazał.
Indeks pomocy lisćinu klučowych słowow za wšě module LibreOffice pokazuje. Klikńće na klučowe słowo w lisćinje, zo byšće přisłušnu stronu pomocy wočinił.
Zapodajće klučowe słowo do pytanskeho pola. Pytanje so hnydom wuwjedźe, mjeztym zo klučowe słowo zapodawaće.
Pytanske wuslědki so jako filtrowana lisćina wotpowědnikow pokazuja, kotrež su po modulowym mjenje zeskupjene. Pytanske wuslědki tež přibližne wotpowědniki wobsahuja. Jenake dźěle pytanskeho wuraza so w kóždym wuslědku wuzběhuja.
Nadpismo GLOBALNE na wotpowědnik za klučowe słowa pokazuje, kotrež wjace hač jedyn modul LibreOffice nastupaja. Celowe ramiki na přikład za cele tabelowych dokumentow kaž tež za tabelowe cele abo tabelowe wobłuki w tekstowych a prezentaciskich dokumentow płaća.
Wužiwajće šipkowe symbole deleka w indeksu, zo byšće zapiski indeksa abo filtrowaneje lisćiny wuslědkow doprědka abo wróćo přehladował.
Pokazuje indeks hłownych temow wšěch modulow.
Klikńće na začinjeny rjadowak (⊞), zo byšće jón wočinił a podrjadowaki a strony pomocy pokazał.
Klikńće na wočinjeny rjadowak (⊞), zo byšće jón začinił a podrjadowaki a strony pomocy schował.
Klikńće na wotkaz, zo byšće wotpowědnu stronu pomocy pokazał.
Wužiwajće tłóčatce Wróćo a Doprědka wobhladowaka, zo byšće mjez stronami nawigěrował. W najwjace wobhladowakach dołhe kliknjenje na tłóčatko Wróćo wuběransku lisćinu do toho wopytanych stronow pokazuje a dołhe kliknjenje na tłóčatko Doprědka lisćinu stronow pokazuje, kotrež su so po aktualnej stronje wopytali.
Wužiwajće funkciju zapołožkow wobhladowaka za spěšny přistup k relewantnym stronam pomocy. Zo byšće stronu w najwjace wobhladowakach jako zapołožku składował:
Wočińće meni Zapołožki wobhladowaka,
wubjerće Zapołožku přidać abo
tłóčće +D w najwjace wobhladowakach.
Zapodajće mjeno, rjadowak a wuprajiwe znački za zapołožku.
Začińće dialog Zapołožki webwobhladowaka.
Kóžda strona pomocy, kotruž sće wopytał, so w historiji webwobhladowaka składuje. Zo byšće historiju wočinił:
Wubjerće meni Historija webwobhladowaka.
Wubjerće Historiju pokazać.
Klikńće na zapisk hłowneho wokna historije, zo byšće wotpowědnu stronu pomocy wočinił.
Móžeće ze standardnymi kopěrowanskimi přikazami wobsah strony pomocy do mjezyskłada na swojim dźěłowym systemje kopěrować.
Wubjerće na stronje pomocy tekst, kotryž chceće kopěrować.
Tłóčće +C.
Wěsty wobsah w stronach pomocy da so z jenož jednym kliknjenjom myški do systemoweho mjezyskłada kopěrować. W tutych padach so pomocny tekst jewi, hdyž myška nad wobsahom, kotryž da so kopěrować, dźeržiće. Slědowaca linka na přikład da so kopěrować:
=SUMA(A1:A10)
Zo byšće na aktualnej stronje pomocy pytał:
Wočińće pytanski nastroj w swojim webwobhladowaku, ke kotremuž zwjetša z pomocu tastowje skrótšenki +F přistup dóstał.
Zapodajće tekst, kotryž chceće namakać, do pola Pytać za.
Wubjerće pytanske nastajenja, kotrež chceće wužiwać.
Tłóčće Enter.
Zo byšće předchadne wustupowanje pytanskeho wuraza na stronje namakał, klikńće na Šipk horje. Zo byšće přichodne wustupowanje namakał, klikńće na Šipk dele.