Wokno pomocy LibreOffice
System pomocy za wšě wersije softwary na samsnych žórłowych datajach bazuje. Někotre funkcije, kotrež so w pomocy wopisuja, snano w tutej wosebitej distribuciji wobsahowane njejsu. Někotre funkcije, kotrež su specifiske za distribuciju, so snano w tutej pomocy njenaspominaja.
Wokno Pomoc tuchwilu wubranu stronu pomocy pokazuje.
Symbolowa lajsta wažne funkcije za wodźenje systema pomocy wobsahuje:
Namakaće tute přikazy tež w kontekstowym meniju dokumenta pomocy.
Strona pomocy
Móžeće z wobhladowaka pomocy na swojim dźěłowym systemje ze standardnymi kopěrowanskimi přikazami do mjezyskłada kopěrować. Na přikład:
-
Wubjerće na stronje pomocy tekst, kotryž chceće kopěrować.
-
Tłóčće +C.
Zo byšće aktualnu stronu pomocy přepytował:
-
Klikńće na symbol Na tutej stronje pytać.
Dialog Na tutej stronje pytać so wočinja.
Móžeće tež na stronu pomocy kliknyć a +F tłóčić.
-
Zapodajće tekst, kotryž chceće namakać, do pola Pytać za.
-
Wubjerće pytanske nastajenja, kotrež chceće wužiwać.
-
Klikńće na Pytać.
Zo byšće přichodne wustupowanje pytanskeho wuraza na stronje namakał, klikńće hišće raz na Pytać.
Nawigaciski wobłuk
Nawigaciski wobłuk wokna pomocy rajtarki Wobsah, Indeks, Pytać a Zapołožki wobsahuje.
Z lisćinowym polom, kotrež je cyle horjeka, móžeće druhe module pomocy LibreOffice wubrać. Rajtarkaj Indeks a Pytać jenož daty za wubrany modul LibreOffice wobsahujetej.
|
Pokazuje indeks hłownych temow wšěch modulow. |
|
|
Pokazuje lisćinu klučowych słowow indeksa za tuchwilu wubrany modul LibreOffice. |
|
|
Zmóžnja połnotekstowe pytanje. Pytanje cyły wobsah pomocy tuchwilu wubraneho modula LibreOffice zapřijima. |
|
|
Wobsahuje swójske zapołožki. Móžeće zapołožki wobdźěłać abo zhašeć, abo na nje kliknyć, zo byšće k wotpowědnym stronam přešoł. |