Grafiski modus

Nalistuje napohladowe atributy za wubrany grafiski objekt. Zasadźeny abo zwjazany grafiski objekt w aktualnej dataji so njezměni, jenož napohlad objekta.

Standard

Napohlad grafiskeho objekta so njezměni.

Stopnje šěrje

Grafiski objekt so w stopnjach šěrje pokazuje. Barbny grafiski objekt móže jednobarbny w stopnjach šěrje być. Móžeće tež barbowe suwaki wužiwać, zo byšće jednotnu barbu na jednobarbny grafiski objekt nałožił.

Čornoběły

Grafiski objekt so čorny a běły pokazuje. Wšě hódnoty swětłosće pod 50 % so čorne pokazuja, wšě nad 50 % so běłe pokazuja.

Wodowe znamjo

Swětłosć grafiskeho objekta so powyšuje a kontrast so znižuje, zo by so w pozadku jako wodowe znamjo wužiwać dał.