Zasunjenja, kromy a špalty nastajić
Móžeće zasunjenja a kromy za aktualny wotstawk abo za wšě wubrane wotstawki z myšku nastajić.
Jeli stronu do špalty rozdźěleće, abo so kursor do wjacešpaltoweho wobłuka staja, móžeće špaltowu šěrokosć a špaltowy wotstup změnić, hdyž je na linealu z myšku nastajeće.
Hdyž so objekt, wobraz abo rysowanski objekt wuběra, budźeće ramiki objekta w linealu widźeć. Móžeće ramiki změnić, hdyž je na linealu z myšku ćahaće.
Jeli so kursor do tabeloweje cele staja, móžeće zasunjenja za wobsah cele změnić, hdyž je z myšku na linealu ćahaće. Móžeće namjezne linije tabele na linealu změnić abo namjeznu liniju samu ćahnyć.
Tutej symbolej lěwe zasunjenje za prěnju linku aktualneho wotstawka (horni třiróžk) a lěwe zasunjenje za druhe linki wotstawka (delni třiróžk) markěrujetej.
Tutón symbol naprawo wot lineala prawe zasunjenje aktualneho wotstawka markěruje.
|
Nadawk |
Postup |
|
Lěwe zasunjenje nastajić |
Ćehńće delnju lěwu marku naprawo, mjeztym zo tastu myški stłóčenu dźeržiće. |
|
Lěwe zasunjenje prěnjeje linki nastajić |
Ćehńće hornju lěwu marku naprawo, mjeztym zo tastu myški stłóčenu dźeržiće. |
|
Prawe zasunjenje nastajić |
Ćehńće marku naprawo dolěwa, mjeztym zo tastu myški stłóčenu dźeržiće. |
Zo byšće lěwe zasunjenje započinajo z druhej linku wotstawka změnił, dźeržće tastu stłóčenu, klikńće na třiróžk deleka nalěwo a ćehńće jón doprawa.
Hižo nastajene tabulatory (↹) so njeměnjeja, hdyž wotstawk nutř suwaće. Jeli so nastajene tabulatory zwonka kromow wotstawka kónča, so wone hižo njepokazuja, ale hižo eksistuja.