Pomoc za LibreOffice 25.2
Podawa logiske wuměnjenja, z kotrymiž maja so waše tabelowe daty filtrować. Tutón dialog je za tabelowe dokumenty, tabele datoweje banki a formulary datoweje banki k dispoziciji. Dialog za datowe banki tłóčatko Dalše nastajenja njewobsahuje.
LibreOffice aktualne filtrowe nastajenja za přichodny raz składuje, hdyž tutón dialog wočinjeće.
Zo byšće filter definował, podajće typ linije, mjeno pola, logiske wuměnjenje a hódnotu abo kombinaciju argumentow.
Za slědowace argumenty móžeće mjez logiskimaj operatoromaj A abo ABO wolić.
Podawa pólne mjena z aktualneje tabele, kotrež so maja do argumenta zasadźić. Budźeće špaltowe identifikatory widźeć, jeli tekst za pólne mjena k dispoziciji njeje.
Podawa přirunanske operatory, z kotrymiž zapiski w polomaj Pólne mjeno a Hódnota dadźa so zwjazać.
Podawa hódnotu za filtrowanje pola.
Lisćinowe polo Hódnota wšě móžne hódnoty polo, kotrež je pod Pólne mjeno podate. Wubjerće hódnotu, kotraž so ma we filtrje wužiwać. Móžeće tež zapisk -prózdny- abo -njeprózdny wužiwać.
Jeli filtrowu funkciju w tabelach datoweje banki abo formularach wužiwaće, zapodajće hódnotu do tekstoweho pola Hódnota, kotraž so ma za filtrowanje wužiwać.