Pola

Wubjerće w dialogu Špalty datoweje banki zasadźić Pola, zo byšće wubrane daty jako pola do dokumenta zasadźił. Tute pola datoweje banki jako zastupowace symbole za jednotliwe špalty datoweje banki funguja a dadźa so za serijowe listy wužiwać. Klikńće na symbol Daty do polow, zo byšće wobsah polow tuchwilu wubranej datowej sadźbje přiměrił.

Jeli so wjacore datowe sadźby wuběraja, hdyž funkciju Daty do teksta wuběraće, so pola serijowych listow po ličbje datowych sadźbow zasadźuja. Nimo toho so pólny přikaz kaž „přichodna datowa sadźba“ awtomatisce mjez jednotliwymi blokami pólnych přikazow zasadźuje.

Dialog Špalty datoweje banki zasadźić wam zmóžnja definować, kotre pola datoweje banki maja so do dokumenta zasadźić a kak maja so wotstawki formatěrować.

Pola

Wužiwajće we wobłuku Pola šipowe tłóčatko, zo byšće tabelowe špalty datoweje banki wubrał, do kotrychž chceće pólny wobsah zasadźić.

Špalty datoweje banki

Nalistuje wšě špalty tabele datoweje banki, kotrež dadźa so do wuběranskeho lisćinoweho pola přewzać, zo bychu so do dokumenta zasadźili. Wubjerće špalty datoweje banki, kotrež chceće do dokumenta zasadźić.

>

Přesuwa pola, kotrež sće w lisćinowym poluŠpalty datoweje banki wubrał, do wuběranskeho pola. Móžeće tež dwójce na zapisk kliknyć, zo byšće jón wubrał.

Wubrać

Nalistuje špalty datoweje banki, kotrež sće wubrał, zo byšće je do dokumenta zasadźił. Móžeće tu tež tekst zapodać. Tutón tekst so tež do dokumenta zasadźi. Porjad zapiskow we wuběranskim polu porjadej datow w dokumenće wotpowěduje.

Wotstawkowa předłoha

Po standardźe so zasadźene wotstawki z wotstawkowymi předłohami formatěruja. Tutón format zapiskej „žadyn“ w lisćinowym polu Wotstawkowa předłoha wotpowěduje. Tam móžeće druhe wotstawkowe předłohi wubrał, zo byšće je na wotstawk nałožił, kotryž chceće do dokumenta zasadźić. Lisćinowe polo k dispoziciji stejace wotstawkowe předłohi pokazuje, kotrež su w LibreOffice definowane a so w katalogu předłohow rjaduja.