Tabela
Wubjerće w dialogu Špalty datoweje banki zasadźić nastajenje Tabela, zo byšće wubrane daty jako tabelu do dokumenta zasadźił. W dialogu móžeće rozsudźić, kotre pola abo špalty datoweje banki maja so přenošować a kak so ma tekstowa tabela formatěrować.
Tabela
Wužiwajće we wobłuku Tabela šipowe tasty, zo byšće špalty tabele datoweje banki wubrał, kotrež chceće za tekstowu tabelu wužiwać.
Špalty datoweje banki
Podawa špalty datoweje banki, kotrež so maja do tekstoweje tabele zasadźić. Wšě špalty tabele datoweje banki, kotrež njejsu so w lisćinowym polu Tabelowe špalty akceptowali, so tu nalistuja. Zapiski so alfabetisce sortěruja.
Špalty tabele
Nalistuje wšě špalty datoweje banki, kotrež so maja do dokumenta zasadźić. Špalta so kóždemu wotpowědnemu zapiskej w tabeli připokaza. Porjad zapiskow w lisćinowym polu Tabelowe špalty porjad datow w tekstowej tabeli postaja.
>>
Přesuwa wšě nalistowane pola datoweje banki do lisćinoweho pola Tabelowe špalty. Wšě pola, kotrež su w lisćinowym polu Tabelowe špalty nalistowane, so do dokumenta zasadźuja.
>
Přesuwa wubrane polo datoweje banki do lisćinoweho pola Tabelowe špalty. Móžeće tež na zapisk dwójce kliknyć, zo byšće jón do lisćinoweho pola Tabelowe špalty přesunył. Wšě pola, kotrež su w lisćinowym polu Tabelowe špalty, so do dokumenta zasadźuja.
<
Wotstronja wubrane polo datoweje banki z lisćinoweho pola Tabelowe špalty. Wotstronjene polo so do dokumenta njezasadźuje.
<<
Wotstronja wšě pola datoweje banki z lisćinoweho pola Tabelowe špalty.
Format
Podawa format, w kotrymž so maja pola datoweje banki do dokumenta zasadźić.
Z datoweje banki
Přewozmje formaty datoweje banki.
Wubrać
Podawa format z lisćiny, jeli formatowe informacije wěstych datowych polow so njepřejimaja. Formaty, kotrež so tu podawaja, su jenož za wěste pola datoweje banki k dispoziciji, na přikład numeriske abo logiske pola. Jeli polo datoweje banki w tekstowym formaće wuběraće, njemóžeće format z wuběranskeje lisćiny wubrać, dokelž so tekstowy format awtomatisce wobchowuje.
Jeli format, kotryž chceće, nalistowany njeje, wubjerće „Dalše formaty…“ a definujće požadany format w dialogu Ličbny format.
Ličbny format, kotryž so z wuběranskej lisćinu připokazuje, so přeco na polo datoweje banki w lisćinowym polu Špalty datoweje banki poćahuje.
Zo byšće daty do dokumenta we formje tabele zasadźił, dyrbi korektne nastajenje tabele aktiwne być. Móžeće potom polo datowej banki z lisćinoweho pola Tabelowe špalty, zo byšće formatěrowanje pola datoweje banki definował. Změny ličbnych formatow so na posledni wuběr nałožuja. Je wšojedne, hač polo datoweje banki je so z lisćinoweho pola Špalty datoweje banki abo z lisćinoweho pola Tabelowe špalty wubrało.
Tabelowe nadpismo zasadźić
Podawa, hač so ma nadpismowa linka za špalty w tekstowej tabeli zasadźić.
Špaltowe mjeno nałožić
Wužiwa pólne mjena tabele datoweje banki za kóždu špaltu tekstoweje tabele.
Jenož linku wutworić
Zasadźuje prózdnu nadpismowu linku do tekstoweje tabele. Z nastajenjom Jenož linku wutworić móžeće nadpisma w dokumenće definować, kotrež pólnym mjenam datoweje banki njewotpowěduja.
Kajkosće
Wočinja dialog , kotryž wam zmóžnja, tabelowe kajkosće kaž ramiki, pozadk a špaltowu šěrokosć definować.
Awtomatiski format
Wočinja dialog , w kotrymž móžeće formatowe předłohi wubrać, kotrež so hnydom nałožuja, hdyž tabelu zasadźujeće.