Špalty datoweje banki zasadźić
Zasadźuje wšě pola wubraneje datoweje sadźby w aktualnym dokumenće na poziciji kursora. Symbol je jenož widźomny, jeli aktualny dokument je tekstowy abo tabelowy dokument.
Wubjerće we wobhladowaku datowych žórłow datowu sadźbu, kotruž chceće do dokumenta zasadźić a klikńće potom na symbol Daty do teksta. Datowa sadźba so w dokumenće na poziciji kursora zasadźi, wobsah kóždeho pola datoweje sadźby so potom do špalty tabele kopěruje. Móžeće tež wjacore datowe sadźby wubrać a je do dokumenta přenošować, hdyž na symbol Daty do teksta klikaće. Kóžda jednotliwa datowa sadźba so potom do noweje linki pisa.
Wubjerće we wobhladowaku datowych žórłow datowe sadźby, kotrež chceće do dokumenta zasadźić a klikńće potom na symbol Daty do teksta abo ćehńće a pušćće daty z wobhladowaka datowych žórłow do dokumenta. To dialog Špalty datoweje banki zasadźić wočini. Wubjerće, hač so maja daty jako tabela, jako pola abo jako tekst zasadźić.
Nastajenja, kotrež sće w dialogu Špalty datoweje banki postajił, so składuja a budu aktiwne přichodny raz, hdyž so dialog wočinja. Tutón składowanski proces je njewotwisny wot datoweje banki a móže nastajenja za maksimalnje 5 datowych bankow přiwzać.
Jeli so daty jako tabela do dokumenta zasadźuja, so kajkosće tabele hromadźe z datami w dokumenće njeskładuja. Jeli funkciju Awtomatiski format za formatěrowanje tabele wuběraće, budźe sej LibreOffice mjeno formatoweje předłohi spomjatkować. Tuta předłoha so potom awtomatisce wužiwa, jeli daty znowa jako tabelu zasadźujeće, chibazo nastajenja su so změnili.
