Asistent kombinaciskeho pola: Polo datoweje banki

Při kombinaciskich polach móžeće pak hódnotu pola w datowej bance składować pak tutu hódnotu we formularje pokazać.

Wužiwarske hódnoty, kotrež su so do kombinaciskeho pola zapodali abo w lisćinje wubrali, dadźa so w tabeli datoweje banki składować, kotraž je z formularom zwjazana. Dźiwajće na to, zo njeje móžno, hódnoty w druhej tabeli składować. Jeli hódnoty nimaja so w datowej bance składować, składuja so jenož we formularje. To je předewšěm we formularach HTML wužitne, hdźež wot wužiwarja zapodate abo wubrane hódnoty maja so serwerej připokazać.

Přistup k tutomu přikazej …

Wočińće symbolowu lajstu Formularowe wodźenske elementy, klikńće na symbol Kombinaciske polo a ćehńće z myšku, zo byšće polo wutworił. Zwisk z datowej banku dyrbi w formularje eksistować: Asistent – Strona 3.

Chceće hódnotu w polu datoweje banki składować?

Dwě móžnosći su za tute prašenje k dispoziciji:

Haj, chcu ju w slědowacym polu datoweje banki składować

Podawa, hač so ma wot wužiwarja zapodata abo wubrana hódnota kombinaciskeho pola w polu datoweje banki składować. Wjacore pola tabele datoweje banki so poskićeja, za kotrež maće přistup w aktualnym formularje.

W kajkosćach wodźenskeho elementa so wubrane polo jako zapisk na rajtarku Daty pod Datowe polo jewi.

Lisćinowe polo

Podawa datowe polo, hdźež so ma hódnota kombinaciskeho pola składować.

Ně, chcu hódnotu jenož w formularje składować

Podawa, zo so hódnota tutoho kombinaciskeho pola do datoweje banki njepisa a jenož we formularje składuje.