Asistent lisćinoweho pola: Pólne zwjazanje

Podawa, přez kotre pola tabele hódnotow a lisćinowe tabele su zwjazane.

Tabela hódnotow je tabela aktualneho formulara, hdźež so lisćinowe polo zasadźuje. Lisćinowa tabela je tabela, kotrejež daty maja so w lisćinowym polu pokazać. Wobě tabeli dyrbitej so přez zhromadne datowe polo zwjazać. Tute zwjazanja maja na tutej stronje asistenta zapodać. Pólne mjena njetrjebaja runjewon samsne być (to wot toho wotwisuje, kak su pólne mjena we woběmaj tabelomaj definowane), ale wobě poli dyrbitej samsny pólny typ měć.

Přistup k tutomu přikazej …

Wočińće symbolowu lajstu Formularowe wodźenske elementy, klikńće na symbol Lisćinowe polo a ćehńće z myšku, zo byšće polo wutworił. Zwisk z datowej banku dyrbi w formularje eksistować: Asistent – Strona 3.

Polo tabele hódnotow

Podawa daty z aktualneho formulara, kotryž so ma na polo w zwjazanej tabeli poćahować. Klikńće nimo toho na požadane datowe polo w lisćinowym polu deleka.

W kajkosćach wodźenskeho elementa so podate polo jako zapisk na rajtarku Daty pod Datowe polo jewi.

Polo lisćinoweje tabele

Podawa datowe polo zwjazaneje tabele, kotrež so na podate polo tabele hódnotow poćahuje. Klikńće nimo toho na datowe polo w delnim lisćinowym polu.

W kajkosćach wodźenskeho elementa so podate polo na rajtarku Daty SQL-instrukcije pod Lisćinowy wobsah jewi.