Filtry a formulary HTML

Móžeće wšě wodźenske elementy a formularowe podawki w dokumentach HTML wužiwać. Je dotal wjele podawkow było (na přikład fokusowe podawki), kotrež njejsu so změnili. Importuja a eksportuja dale jako ONFOCUS, ONBLUR atd. za JavaScript a jako SDONFOCUS, SDONBLUR atd. za LibreOffice Basic.

Generiske mjena, kotrež so z tykački Listener a metodoweho mjena podawa so za wšě druhe podawki wužiwaja: Podawk, kotryž je jako XListener::method zregistrowany, eksportuje so jako

SDEvent-XListener-method = "/* event-code */"

Dźiwajće na to, zo komponenty XListener a method tutoho nastajenja mjez wulkopisanjom a małopisanjom rozeznawaja.

Wobchadźenje z podawkami wodźenskich elementow so z pomocu LibreOffice API stawa. Jeli wodźenskemu elementej podawk připokazujeće, so objekt sam internje jako „Listener“ za specifiski podawk wodźenskeho elementa registruje. Zo byšće móhł to činić, dyrbi objekt wěstu tykačku wužiwać, na přikład tykačku XFocusListener, zo by móhł na fokusowe podawki reagować. Hdyž so podawk wotměwa, wodźenski element specialnu metodu tykački Listener wuwołuje, hdyž wodźenski element fokus dóstawa. Internje zregistrowany objekt potom kod JavaScript abp LibreOffice Basic wuwołuje, kotryž je so podawkej připokazał.

Filter HTML nětko runje tute tykački listener a metodowe mjena wužiwa, zo by móhł podawki kaž požadane importował a eksportował. Móžeće fokusowy podawk registrować přez

<INPUT TYPE=text ONFOCUS="/* code */"

město přez

<INPUT TYPE=text SDEvent-XFocusListener-focusGained="/* code */"

Podawki dadźa so tohodla kaž požadane registrować, mjez nimi te, kotrež so w lisćinowych polach njeposkićeja. Zo byšće skriptowu rěč podawkow definował, móžeće slědowacu linku do hłowy dokument pisać:

Za CONTENT móžeće na přikład „text/x-StarBasic“ za LibreOffice Basic abo „text/JavaScript“ za JavaScript wužiwać. Jeli ničo podate njeje, so JavaScript předpokładuje.

Při eksportowanju so standardna skriptowa rěč na zakładźe prěnjeho modula definuje, kotryž so w zrjadowaku makrow namaka. Za podawki dadźa so jenož jedna rěč na dokument wužiwać.