Formularowy nawigator

Wočinja formularowy nawigator. Formularowy nawigator wšě formulary a podformulary aktualneho dokumenta z jich datymi wodźenskimi elementami pokazuje.

Hdyž so wjacore formulary wužiwaja, formularowy nawigator wšě formulary skići, a staja tež wšelake funkcije za jich wobdźěłowanje k dispoziciji.

Formularowy nawigator lisćinu wšěch wutworjenych (logiskich) formularow z wotpowědnymi wodźenskimi elementami wobsahuje. Přez plusowe znamješko před zapiskom móžeće widźeć, hač formular wodźenske elementy wobsahuje. Klikńće na plusowe znamješko, zo byšće lisćinu formularowych elementow wočinił.

Hdyž rozdźělne wodźenske elementy w formularowym nawigatorje ćahaće a pušćeće, móžeće jich porjad změnić. Wubjerće jedyn wodźenski element abo wjacore wodźenske elementy a ćehńće je do druheho formulara. Abo wužiwaće +X abo přikaz kontekstoweho menija Wutřihać, zo byšće wodźenski element do mjezyskłada přesunył, a tłóčće +V abo přikaz Zasadźić, zo byšće wodźenski element na druhej poziciji zasadźił.

Zo byšće mjeno w formularowym nawigatorje wobdźěłał, klikńće na mjeno a zapodajće nowe mjeno abo wužiwajće přikaz w kontekstowym meniju.

Jeli wodźenske element w formularowym nawigatorje wuběraće, so wotpowědny element w dokumenće wuběra.

Kontekstowy meni wubraneho zapiska wam w formularowym nawigatorje slědowace funkcije skići:

Nowy

Přidawa formularej nowe elementy. Funkcija Přidać da so jenož wuwołać, jeli so formular w formularowym nawigatorje wuběra.

Formular

Wutworja nowy formular w dokumenće. Zo byšće podformular wutworił, přidajće nowy formular pod požadanym nadrjadowanym formularom.

Schowany wodźenski element

Wutworja schowany wodźenski element we wubranym formularje, kotryž na wobrazowce widźomny njeje. Schowany wodźenski element słuži k tomu, zo by daty přiwzał, kotrež so z formularom přenošuja. Wobsahuje přidatne informacije abo wujasnjowacy tekst, kotrež móžeće podać, hdyž formulary přez wosebite kajkosće wodźenskeho elementa wutworjeće. Wubjerće zapisk schowaneho wodźenskeho elementa w formularowym nawigatorje a wubjerće přikaz Kajkosće.

Móžeće wodźenske elementy w dokumenće přez mjezyskład (tastowe skrótšenki +C za kopěrowanje a +V za zasadźowanje) kopěrować. Móžeće schowane wodźenske elementy w formularowym nawigatorje z pomocu ćehnjenja a pušćenja kopěrować, mjeztym zo tastu stłóčenu dźeržiće.

Ćehńće a pušćće, zo byšće wodźenske elementy w samsnym dokumenće abo mjez dokumentami kopěrował. Wočińće druhi formularowy dokument a ćehńće schowany wodźenski element z formularoweho nawigatora do formularoweho nawigatora ciloweho dokumenta. Klikńće direktnje na widźomny wodźenski element w dokumenće, zastajće wokomik, zo by so kopija wodźenskeho elementa do mjezyskłada ćehnjenja a pušćenja přidała a ćehńće potom kopiju do druheho dokumenta. Jeli chceće kopiju w samsnym dokumenće měć, tłóčće , mjeztym zo ćahaće.

Zhašeć

Zhaša wubrany zapisk. To wam zmóžnja, jednotliwe formularowe komponenty kaž tež cyle formulary z jednym klikom myški zhašeć.

Tabulatorowy porjad

Hdyž so formular wuběra, so dialog Tabulatorowy porjad wočini, hdźež so indeksy za fokus wodźenskeho elementa při wužiwanju tabulatoroweje tasty (↹) definuja.

Přemjenować

Přemjenuje wubrany objekt.

Kajkosće

Startuje dialog Kajkosće za wubrany zapisk. Jeli formular je wubrany, so dialog Formularowe kajkosće wočinja. Jeli wodźenski element je wubrany, so dialog Kajkosće wodźenskeho elementa wočinja.