Pomoc za LibreOffice 24.2
Wočinja dialog Tabulatorowy porjad, zo byšće móhł porjad změnić, po kotrymž wodźenske elementy fokus dóstawaja, hdyž wužiwar tabulatorowu tastu (↹) tłóči.
Jeli formularowe elementy so do dokumenta zasadźuja, LibreOffice awtomatisce postaja, w kotrym porjedźe móžeće so z pomocu tabulatoroweje tasty (↹) wot jednoho do přichodneho wodźenskeho elementa pohibować. Kóždy nowy wodźenski element, kotryž so přidawa, so na kónc tutoho rjada staja. W dialogu Tabulatorowy porjad móžeće porjad tutoho rjada swojim wosobinskim přećam přiměrić.
Móžeće tež indeks wodźenskeho elementa přez jeho specifiske kajkosće definować, hdyž požadanu hódnotu pod Porjad w dialogu Kajkosće wodźenskeho elementa zapodawaće.
Na opciske tłóčatko w skupinje maće jenož přistup přez tabulatorowu tastu (↹), hdyž so jedne z opciskich tłóčatkow na „wubrany“ staja. Jeli sće skupinu opciskich tłóčatkow naćisnył, hdźež žane tłóčatko njeje na „wubrane“ stajene, nima wužiwar přistup k skupinje abo jednotliwym opciskim tłóčatkam přez tastaturu.
Nalistuje wšě wodźenske elementy we formularje. Tute wodźenske elementy dadźa so z tabulatorowu tastu (↹) w podatym porjedźe wot horjeka dele wubrać. Wubjerće wodźenski element z lisćiny Wodźenske elementy, zo byšće požadanu poziciju w tabulatorowym porjedźe připokazał.
Klikńće na tłóčatko Horje, zo byšće wubrany wodźenski element wo jednu poziciju wyše w tabulatorowym porjedźe přesunył.
Klikńće na tłóčatko Dele, zo byšće wubrany wodźenski element wo jednu poziciju niše w tabulatorowym porjedźe přesunył.
Klikńće na tłóčatko Awtomatiske sortěrowanje, zo byšće wodźenske elementy po jich poziciji w dokumenće sortěrował.