Formularowe podawki datoweje banki

Rajtark Podawki wam zmóžnja, wěstym podawkam, kotrež so we formularje datoweje banki wotměwaja, makro připokazać.

Přistup k tutomu přikazej …

Wočińće kontekstowy meni wubraneho formularoweho elementa a wubjerće Formularowe kajkosće… – rajtark: Podawki.

Wočińće symbolowu lajstu Formularowy naćisk a klikńće na symbol Formularowe kajkosće – rajtark: Podawki.


Zo byšće podawk z makrom zwjazał, pisajće najprjedy makro, kotrež wšě přikazy wobsahuje, kotrež so maja wuwjesć, hdyž so podawk wotměwa. Klikńće potom na tłóčatko … pódla dateho podawka, zo byšće wotpowědnemu podawkej tute makro připokazał. Dialog Makro připokazać so wočini, hdźež móžeće makro wubrać.

Slědowace akcije dadźa so jednotliwje konfigurować, to rěka, zo móžeće swójske dialogi wužiwać, zo byšće akciju předstajił:

  1. Zmylkowu zdźělenku pokazać,

  2. Proces zhašenja wobkrućić (za datowe sadźby),

  3. Parametry wotprašować,

  4. Zapodaće přepruwować, hdyž so datowa sadźba składuje,

Móžeće na přikład naprašowanje „zhašenje wobkrućić“ wudać, kaž na přikład „Wužiwarja xyz woprawdźe zhašeć?“, hdyž so datowa sadźba zhaša.

note

Podawki, kotrež so w dialogu Podawki pokazuja, njedadźa so direktnje wobdźěłać. Móžeće podawk z lisćiny wotstronić, hdyž tastu Entf tłóčiće.


Slědowaca lisćina wšě podawki we formularje nalistuje a wopisuje, kotrež dadźa so z makrom zwjazać:

Parametry pjelnić

Podawk Parametry pjelnić so wotměwa, hdyž so formular, kotryž so ma začitać, ma parametry, kotrež dyrbja so wupjelnić. Datowe žórło na přikład móže slědowacy SQL-přikaz być:

SELECT * FROM address WHERE name=:name

:name je tu parameter, kotryž so dyrbi při začitanju wupjelnić. Parameter so z nadrjadowaneho formulara awtomatisce wupjelnja, jeli móžno. Jeli parameter njeda so wupjelnić, so tutón podawk wuwoła a zwjazane makro móže parameter wupjelnić. Wróći Wěrno, hdyž so ma wuwjedźenje parametrizowaneje instrukcije pokročować, hewak Wopak.

Po akciji datoweje sadźby

Podawk Po akciji datoweje sadźby so direktnje wotměwa, po tym zo je so aktualna datowa sadźba změniła.

Po změnje datoweje sadźby

Podawk Po změnje datoweje sadźby so direktnje wotměwa, po tym zo je so aktualny pokazowak datoweje sadźby změnił.

Před akciju datoweje sadźby

Podawk Před akciju datoweje sadźby so wotměwa, prjedy hač so aktualna datowa sadźba změni. Wróći Wěrno, hdyž su změny dowolene, hewak Wopak. Zwjazane makro na přikład móže sej wobkrućenje w dialogu žadać.

Před aktualizaciju

Podawk Před aktualizaciju so wotměwa, prjedy hač so wobsah wodźenskeho elementa, kotryž je so wot wužiwarja změnił, do datoweho žórła pisa. Zwjazane makro na přikład móže tutej akciji zadźěwać, hdyž WOPAK wróća.

Po aktualizaciji

Podawk Po aktualizaciji so wotměwa, po tym zo je wobsah wodźenskeho elementa, kotryž je so wot wužiwarja změnił, do datoweho žórła napisany.

Před wróćostajenjom

Podawk Před wróćostajenjom so wotměwa, prjedy hač so formular wróćo staja. Hdyž so Wěrno wróća, so wróćostajenje schwala, hdyž so Wopak wróća, so operacija přetorhnje.

Formular so wróći, jeli jedne ze slědowacych wuměnjenjow je spjelnjene:

  1. Wužiwar na HTML-tłóčatko klika, kotrež je jako tłóčatko wróćostajenja definowane.

  2. Nowa a prózdna datowa sadźba so w formularje wutwori, kotraž je z datowym žórłom zwjazana. W poslednjej datowej sadźbje na přikład so tłóčatko Nowa datowa sadźba tłóči.

Po wróćostajenju

Podawk Po wróćostajenju so wotměwa, po tym zo je so formular wróćo stajił.

Před wospjetowanym začitowanjom

Podawk Před wospjetowanym začitowanjom so wotměwa, prjedy hač so znowa začita. Datowy wobsah hišće zaktualizowany njeje.

Před wotdźělenjom

Podawk Před wotdźělenjom so wotměwa, prjedy hač so formular wotdźěluje, tuž so wot swojeho datoweho žórła dźěli.

Před wotpósłanjom

Podawk Před wotpósłanjom so wotměwa, prjedy hač so formularowe daty sćelu. Hdyž so Wěrno wróća, so wotpósłanje wobkruća, hdyž so Wopak wróća, so wotpósłanje přetorhnje.

Před změnu datoweje sadźby

Podawk Před změnu datoweje sadźby so wotměwa, prjedy hač so aktualny pokazowak datoweje sadźby – SQL-kursor – změni. Wróći Wěrno, jeli přesunjenje je dowolene, hewak Wopak.

Při wospjetowanym začitowanju

Podawk Při wospjetowanym začitowanju so direktnje wotměwa, po tym zo je formular znowa začitany. Datowy wobsah je so hižo zaktualizował.

Při wotdźělenju

Podawk Při wotdźělenju so direktnje wotměwa, po tym zo je so formular wotdźělił, tuž so wot swojeho datoweho žórła dźěli.

Při začitowanju

Podawk Při začitowanju so direktnje po začitowanju formulara wotměwa.

Zhašenje wobkrućić

Podawk Zhašenje wobkrućić so wotměwa, hdyž su so daty z formulara zhašeli. Wróći Wěrno, zo by zhašenje linki dowolił, hewak Wopak. Zwjazane makro na přikład móže sej wobkrućenje w dialogu žadać.

Zmylk je wustupił

Podawk Zmylk je wustupił so aktiwizuje, jeli zmylk při přistupje k datowemu žórłu wustupuje. To so na formulary, lisćinowe pola a kombinaciske pola nałožuje.

Wetakmane podawki

tip

Makra móža wuwjedźenje podawka přetorhnyć, hdyž boolowu hódnotu wróćeja: Wěrno zmóžnja, zo so wuwjedźenje pokročuje a Wopak zastaja wuwjedźenje podawka.


Slědowace podawki dadźa so přetorhnyć, hdyž so Wopak wróća:

Prošu podpěrajće nas!