Powšitkowny

Přistup k tutomu přikazej …

Wočińće kontekstowy meni wubraneho formularoweho elementa a wubjerće Formularowe kajkosće… – rajtark: Powšitkowny.

Wočińće symbolowu lajstu Formularowy naćisk a klikńće na symbol Formularowe kajkosće – rajtark: Powšitkowny.

Formular je tekstowy abo tabelowy dokument z rozdźělnymi formularowymi wodźenskimi elementami. Jeli formular za webstronu wutworjeće, móže wužiwar daty do njeho zapodać, zo by je přez internet słał. Daty z formularowych wodźenskich elementow formulara so přez serwer, kotrehož URL podawaće, přenošuja a dadźa so na serwerje předźěłać.

Mjeno

Podawa mjeno za formular. Tute mjeno so wužiwa, zo by formular w formularowym nawigatorje identifikowało.

URL

Podawa URL, na kotryž so maja daty wupjelnjeneho formulara přenošować.

Wobłuk

Definuje cilowy wobłuk, w kotrymž so ma začitany URL zjewić.

Jeli na polo klikaće, móžeće nastajenje z lisćiny wubrać, kotrež podawa, do kotreho wobłuka so ma přichodny dokument začitać. Slědowace móžnosće eksistuja:

Zapisk	Woznam
_blank	Přichodny dokument so w nowym prózdnym wobłuku wočini.
_parent	Přichodny dokument so w nadrjadowanym wobłuku wutwori. Jeli nadrjadowany wobłuk njeeksistuje, so dokument w samsnym wobłuku wočini.
_self	Přichodny dokument so w samsnym wobłuku wočini.
_top	Přichodny dokument so w najwyšim woknje wutwori, to rěka, w najwyšim wobłuku hierarchije; jeli aktualny wobłuk je hižo najwyše wokno, so dokument w aktualnym wobłuku wutwori.

Typ wotposłanja

Podawa metodu za přenošowanje informacijow wupjelnjeneho formulara.

Z metodu „get“ so daty kóždeho wodźenskeho elementa jako wokolinowa wariabla přenošuja. Připowěšeja je k URL we formje „?Wodźenski_element1=Wodźenski_element1&Wodźenski_element2=Wodźenski_element2&…“; znamješkowy rjećazk so přez program na serwerje přijimarja analyzuje.

Z metodu „post“ so dokument z wobsaha formulara wutwori, kotryž so na podaty URL sćele.

Kodowanje wotpósłanja

Podawa typ koděrowanja za přenošowanje datow.

Datowe přenjesenje informacijow wodźenskich elementow

Hdyž formular sćeleće, so wšě wodźenske elementy wobkedźbuja, kotrež su w LibreOffice k dispoziciji. Mjeno wodźenskeho elementa a wotpowědna hódnota so, jeli k dispoziciji, přenošujetej.

Wotwisuje wot dateho wodźenskeho elementa, kotre hódnoty so w kóždym padźe přenošuja. Za tekstowe pola so widźomne zapiski přenošuja; za lisćinowe pola so wubrane zapiski přenošuja; za kontrolne kašćiki a opciske tłóčatka so zwjazane referencne hódnoty přenošuja, jeli tute pola su so zaktiwizowali.

Kak so tute informacije přenošuja, wot wubraneje přenošowanskeje metody (get abo post) a koděrowanja (URL abo multipart) wotwisuje. Jeli na přikład metoda get a koděrowanje URL stej wubranej, so hódnotowe pory we formje <Mjeno>=<Hódnota> sćelu.

Nimo wodźenskich elementow, kotrež su w HTML znate, LibreOffice dalše wodźenske elementy skići. Dźiwajće prošu na to, zo so za pola z wěstym numeriskim formatom widźomne hódnoty njepřenošuja, ale krute standardne formaty. Slědowaca tabela pokazuje, kak so daty specifiskich wodźenskich elementow LibreOffice přenošuja:

Wodźenski element	Hódnotowy por
Numeriske polo, měnowe polo	Decimalne dźělatko so přeco jako dypk pokazuje.
Datumowe polo	Datumowy format so jako kruty format (MM-DD-YYYY) sćele, njedźiwajo na lokalne nastajenja wužiwarja.
Časowe polo	Časowy format so jako kruty format (HH:MM:SS) sćele, njedźiwajo na lokalne nastajenja wužiwarja.
Maskowane polo	Hódnoty maskowanych polow so jako tekstowe pola sćelu, to rěka, widźomna hódnota formulara so sćele.
Tabelowy wodźenski element	Jednotliwe špalty z tabeloweho wodźenskeho elementa so přeco přenošuja. Mjeno wodźenskeho elementa, mjeno špalty a hódnota špalty so sćelu. Z metodu get a z koděrowanjom URL so na přikład přenjesenje we formje <Mjeno wodźenskeho elementa>.<Mjeno špalty>=<Hódnota> přewjedźe, při čimž hódnota wot špalty wotwisuje.