Podawki
Na rajtarku Podawki móžeće makra z podawkami zwjazać, kotrež so we wodźenskich elementach formulara wotměwaja.
Hdyž so podawk wotměwa, so zwjazane makro wuwoła. Zo byšće podawkej makro připokazał, klikńće na tłóčatko …. Dialog Akciju připokazać so wočini.
Wotwisujo wot wodźenskeho elementa su rozdźělne podawki k dispoziciji. Jenož podawki, kotrež su za wubrany wodźenski element a kontekst k dispoziciji, so na rajtarku Podawki nalistuja.
Slědowace podawki su definowane:
Akciju wobkrućić
Tutón podawk so wotměwa, prjedy hač so akcija přez kliknjenje na wodźenski element wuwabja. Kliknjenje na tłóčatko „Wotpósłać“ akciju słanja wuwjedźe; ale poprawny proces „słanja“ so hakle startuje, hdyž so podawk Při inicializowanju wotměwa. Podawk Akciju wobkrućić wam zmóžnja proces přetorhnyć. Jeli zwjazana metoda WOPAK wróća, so Při inicializowanju njewuwjedźe.
Akciju wuwjesć
Podawk Akciju so wotměje, hdyž so akcija startuje. Jeli na přikład tłóčatko „Wotpósłać“ w swojim formularje maće, budźe proces słanja akcija, kotraž so ma inicializować.
Změnjeny
Podawk Změnjeny so wotměwa, hdyž wodźenski element fokus zhubja a wobsah wodźenskeho elementa je so změnił, wot toho, zo je fokus zhubił.
Tekst je so změnił
Podawk Tekst je so změnił so wotměwa, hdyž tekst do zapodawanskeho pola zapodawaće abo jón měnjeće.
Status zapiska je so změnił
Podawk Status zapiska je so změnił so wotměwa, hdyž je so status wodźenskeho elementa změnił, na přikład wot wubrany do njewubrany.
Při dóstawanju fokusa
Podawk Při dóstawanju fokusa so wotměwa, hdyž wodźenski element fokus dóstawa.
Při zhubjenju fokusa
Podawk Při zhubjenju fokusa so wotměwa, hdyž wodźenski element fokus zhubja.
Tasta stłóčena
Podawk Tasta stłóčena so wotměwa, hdyž wužiwar tastu tłóči, mjeztym zo wodźenski element ma fokus. Tutón podawk móže z makrom za kontrolu zapiskow zwjazany być.
Tasta pušćena
Podawk Tasta pušćena so wotměwa, hdyž wužiwar tastu pušća, mjeztym zo wodźenski element ma fokus.
Myška nutřka
Podawk Myška nutřka so wotměwa, hdyž myška je we wodźenskim elemenće.
Pohib myški při stłóčenej tasće
Podawk Pohib myški při stłóčenej tasće so wotměwa, hdyž so myška ćaha, mjeztym zo tasta je stłóčena. Na přikład móže při ćehnjenju a pušćenju přidatna tasta modus postajić (přesunyć abo kopěrować).
Pohib myški
Podawk Pohib myški so wotměwa, hdyž so myška nad wodźenski element pohibuje.
Tasta myški stłóčena
Podawk Tasta myški stłóčena so wotměwa, hdyž tasta myški je stłóčena, mjeztym zo pokazowak myški je na wodźenskim elemenće.
Dźiwajće na to, zo so tutón podawk za zdźělace naprašowanja za wuskakowacy kontekstowy meni na wodźenskim elemenće wužiwa.
Tasta myški pušćena
Podawk Tasta myški pušćena so wotměwa, hdyž tasta myški je pušćena, mjeztym zo pokazowak myški je na wodźenskim elemenće.
Myška wonka
Podawk Myška wonka so wotměwa, hdyž myška je zwonka wodźenskeho pola.