Rysowanske funkcije pokazać

Klikńće, zo byšće symbolowu lajstu Rysowanka wočinił abo začinił, hdźež móžeće aktualnemu dokumentej twary, linije, tekst a legendy přidać.

Móžeće symbolowu lajstu Rysowanka dokumentow Writer a Calc z pomocu symbola na symbolowej lajsće Standard zmóžnić a znjemóžnić.

Móžeće změnić, kotre tłóčatka su widźomne w symbolowych lajstach. Klikńće z prawej tastu na symbolowu lajstu, zo byšće přistup k přikazej Widźomne tłóčatka měł.

Wuběr

Zmóžnja wam, objekty w aktualnym dokumenće wubrać. Zo byšće objekt wubrał, klikńće na objekt ze šipkom. Zo byšće wjacore objekty wubrał, ćehńće wuběranski wobłuk wokoło objektow. Zo byšće wuběrej objekt přidał, tłóčće Umsch (⇧) a klikńće potom na objekt.

Linija

Ćehnje runu liniju, hdźež w aktualnym dokumenće ćahaće. Zo byšće liniju na 45 stopnjow wobmjezował, dźeržće tastu Umsch (⇧) stłóčenu, mjeztym zo ćahaće.

Zo byšće tekst na liniji zapodał, klikńće dwójce na liniju a zapodajće tekst abo zasadźće jón. Tekstowy směr směrej wotpowěduje, ke kotremuž sće ćahnył, zo byšće liniju rysował. Zo byšće liniju schował, wubjerće Njewidźomny w polu Linijowy stil w symbolowej lajsće Kajkosće rysowanskeho objekta.

Praworóžk

Rysuje praworóžk, hdźež w aktualnym dokumenće ćehnjeće. Klikńće, hdźež chceće róžk praworóžka placěrować a rozćehńće na požadanu wulkosć. Zo byšće kwadrat rysował, dźeržće tastu Umsch (⇧)stłóčenu, mjeztym zo ćahaće.

Elipsa

>Rysuje elipsu tam, hdźež w aktualnym dokumenće ćahaće. Klikńće tam, hdźež chceće elipsu rysować a rozćehńće na požadanu wulkosć. Zo byšće kruh rysował, dźeržće tastu Umsch (⇧) stłóčenu, mjeztym zo ćahaće.

Polygon

Rysuje liniju, kotraž so rjad runych linijowych segmentow zestaja. Ćehńće, zo byšće linijowy segment rysował, klikńće, zo byšće kónčny dypk linijoweho segmenta definował, a ćehńće potom, zo byšće nowy linijowy segment rysował. Klikńće dwójce, zo byšće rysowanje linije dokónčił. Zo byšće zawrjeny twar wutworił, klikńće dwójce na spočatny dypk linije.

Dźeržće tastu Umsch (⇧), mjeztym zo polygon rysujeće, zo byšće nowe dypki w nuhelach 45 stopnjow pozicioněrował.

Modus Dypki wobdźěłać wam zmóžnja, jednotliwe dypki polygona interaktiwnje změnić.

Křiwka

Rysuje hładku Bézierowu křiwku. Klikńće, hdźež křiwka ma so započeć, ćehńće, pušćće a pohibujće pokazowak tam, hdźež křiwka ma so kónčić a klikńće. Pohibujće pokazowak a klikńće znowa, zo byšće křiwce runy linijowy segment přidał. Klikńće dwójce, zo byšće rysowanje křiwki dokónčił. Zo byšće zawrjenu křiwku wutworił, klikńće dwójce na spočatny dypk křiwki. Łuk křiwki so po přehonje postaja, kotryž ćahaće.

Wólnoručna linija

Rysuje tam wólnoručnu liniju, hdźež w aktualnym dokumenće ćahaće. Zo byšće liniju skónčił, pušćće tastu myški. Zo byšće zawrjeny twar rysował, pušćće tastu myški blisko spočatneho dypka linije.

Łuk

Rysuje łuk w aktualnym dokumenće. Zo byšće łuk rysował, rozćehńće elipsu na požadanu wulkosć a klikńće potom, zo byšće startowy dypk łuka definował. Pohibujće pokazowak tam, hdźež chceće kónčny dypk stajić a klikńće. Njetrjebaće na elipsu kliknyć. Zo byšće kružny łuk rysował, dźeržće tastu Umsch (⇧) stłóčenu, mjeztym zo ćahaće.

Elipsowy wurězk

Rysuje wupjelnjeny twar, kotryž so přez łuk elipsy a dwě radiusowej liniji definuje, w aktualnym dokumenće. Zo byšće elipsowy wurězk rysował, rozćehńće elipsu na požadanu wulkosć a klikńće potom, zo byšće prěnju radiusowu liniju definował. Pohibujće swój pokazowak tam, hdźež chceće druhu radiusowu liniju stajić a klikńće. Njetrjebaće na elipsu kliknyć. Zo byšće kružny wurězk rysował, dźeržće tastu Umsch (⇧) stłóčenu, mjeztym zo ćahaće.

Kružny segment

Rysuje wupjelnjeny twar, kotryž so přez łuk kruha a prěčnu liniju definuje, w aktualnym dokumenće. Zo byšće kružny segment rysował, rozćehńće kruh na požadanu wulkosć a klikńće potom, zo byšće startowy dypk prěčneje linije definował. Pohibujće swój pokazowak tam, hdźež chceće kónčny dypk prěčneje linije stajić a klikńće. Njetrjebaće na kruh kliknyć. Zo byšće elipsowy segment rysował, dźeržće tastu Umsch (⇧), mjeztym zo ćahaće.

Text Box

Draws a text box with horizontal text direction where you drag in the current document. Drag a text box to the size you want anywhere in the document, and then type or paste your text. Rotate the text box to get rotated text.

Tekstowa animacija

Zasadźuje animěrowany tekst z horicontalnym tekstowym směrom do aktualneho dokumenta.

Legendy

Rysuje liniju, kotraž so na praworóžkatu legendu z horicontalnym tekstowym směrom kónči, hdźež w aktualnym dokumenće ćahaće. Ćehńće přimk legendy, zo byšće wulkosć legendy změnił. Zo byšće tekst přidał, klikńće na kromu legendy a zapodajće abo zasadźće swój tekst. Zo byšće praworóžkatu legendu změnił, ćehńće najwjetši róžkowy přimk, hdyž so pokazowak do ruki měnja.

Zakładne twary

Wočinja symbolowu lajstu Zakładne twary, kotruž móžeće wužiwać, zo byšće grafiki do swojeho dokumenta zasadźił.

Zakładne twary

Symbolowe twary

Wočinja symbolowu lajstu Symbolowe twary, z kotrejež móžeće grafiki do swojeho dokumenta zasadźić.

Symbolowe twary

Blokowe šipki

Wočinja symbolowu lajstu Blokowe šipki, z kotrejež móžeće grafiki do swojeho dokumenta zasadźić.

Blokowe šipki

Wotběhowy diagram

Wočinja symbolowu lajstu Wotběhowy diagram, z kotrejež móžeće grafiki do swojeho dokumenta zasadźić.

Wotběhowe diagramy

Legendy

Wočinja symbolowu lajstu Legendy, z kotrejež móžeće grafiki do swojeho dokumenta zasadźić.

Puchery

Hwěžki a chorhoje

Wočinja symbolowu lajstu Hwěžki a chorhoje, z kotrejež móžeće grafiki do swojeho dokumenta zasadźić.

Hwěžki

Edit Points

Lets you change the shape of the selected drawing object.

Modus dypkoweho wobdźěłanja přepinać

Fontwork

Wočinja dialog Fontwork, z kotrehož móžeće sformatěrowany tekst do swojeho dokumenta zasadźić, kotryž ze standardnym pismowym formatěrowanjom móžny njeje.

Galerija Fontwork

Z dataje

Opens a file selection dialog to insert an image into the current document.

Wobraz

Ekstruziju zapinać/wupinać

Zmóžnja/Znjemóžnja 3D-efekty za wubrane objekty.

Ekstruziju přepinać

Podpěra za aziske rěče

Maće jenož přistup k tutym přikazam, po tym zo sće podpěru za aziske rěče w – Rěče a narodne šemy – Powšitkowne zmóžnił.

Wertikalne legendy

Rysuje liniju, kotraž so na praworóžkatu legendu z wertikalnym tekstowym směrom kónči, hdźež w aktualnym dokumenće ćahaće. Ćehńće přimk legendy, zo byšće wulkosć legendy změnił. Zo byšće tekst přidał, klikńće na kromu legendy, a zapodajće abo zasadźće potom swój tekst. Zo byšće praworóžkatu legendu do kulojteje legendy změnił, ćehńće najwjetši róžkowy přimk, hdyž so pokazowak do ruki měnja. To je jenož k dispoziciji, hdyž podpěra za aziske rěče je zmóžnjena.

Wertikalny tekst

Rysuje tam tekstowe polo z wertikalnym tekstowym směrom, hdźež w aktualnym dokumenće klikaće abo ćahaće. Klikńće něhdźe w dokumenće a zapodajće abo zasadźće potom swój tekst. Móžeće tež kursor tam pohibować, hdźež chceće tekst přidać, ćehńće tekstowe polo a zapodajće abo zasadźće potom swój tekst. To je jenož k dispoziciji, hdyž podpěra za aziske rěče je zmóžnjena.

Pokiwy za dźěło ze symbolowej lajstu Rysowanka.