Nastajenja ASCII-filtra

Móžeće podać, kotre nastajenja, na přikład zakładne pismo, znamješkowa sadźba abo łamanje, so z tekstowym dokumentom importuja abo eksportuja. Dialog so zjewi, hdyž ASCII-dataju z filtrom „Tekst rozšěrjeny“ začitaće abo hdyž dokument prěni raz składujeće, abo hdyž z „Składować jako“ z druhim mjenom składujeće.

Kajkosće

Definuje nastajenja za importowanje abo eksportowanje wašeje dataje. Hdyž eksportujeće, so jenož znamješkowa sadźba a wotstawkowe łamanje definujetej.

Znamješkowa sadźba

Podawa znamješkowu sadźbu dataje za eksport a import.

Markěrowanje za bajtowy porjad zapřijeć

Jenož za znamješkowu sadźbu Unicode: Markěrowanje bajtoweho porjada (Byte Order Mark, BOM) je slěd bajtow, kotryž so wužiwa, zo by kodowanje Unicode tekstoweje dataje podał. Eksistenca BOM UTF-8 je opcionalna a móže z wěstej softwaru problemy zawinować, předewšěm ze zestarjenej softwaru, kotraž za wobchadźenje z UTF-8 myslena njeje.

Standardne pisma

Hdyž standardne pismo nastajeće, podawaće, zo so ma tekst we wěstym pismje pokazać. Standardne pisma dadźa so jenož za importowanje wubrać.

Rěč

Podawa rěč teksta, jeli hišće definowana njeje. Tute nastajenje je jenož za importowanje k dispoziciji.

Wotstawkowe łamanje

Definuje typ wotstawkoweho łamanja za tekstowu linku.

CR & LF

Generuje „Carriage Return" a "Linefeed". Tute nastajenje je standard.

CR

Generuje „Carriage Return“ jako wotstawkowe łamanje.

LF

Generuje „Linefeed“ jako wotstawkowe łamanje.