Tekstowy import

Postaja importowe nastajenja za wotdźělene daty.

Import

Znamješkowa sadźba

Podawa znamješkowu sadźbu, kotraž so ma w importowanej dataji wužiwać.

Rěč

Postaja, kak so maja ličby importować.

Jeli je Rěč na Standard (za CSV-import) abo Awtomatiski (za HTML-import) nastajena, Calc globalnje nastajenu rěč wužiwa. Jeli je Rěč na wěstu rěč nastajena, so tuta rěč wužiwa, hdyž so ličby importuja.

Hdyž so HTML-dokument importuje, móže so rěčny wuběr z globalnym nastajenjom za HTML Narodna šema 'Jendźelšćina (USA)' za ličby do konflikta dóstać. Globalne nastajenje za HTML je jenož skutkowne, hdyž nastajenje Awtomatiska rěč je wubrane. Jeli wěstu rěč w dialogu importowych nastajenjow za HTML wuběraće, so globalne nastajenje za HTML ignoruje.

Wot linki

Podawa linku, hdźež chceće import startować. Linki su widźomne w přehladkowym woknje deleka w dialogu.

Nastajenja dźělatka

Podawa, hač waše daty dźělatka abo krute šěrokosće wužiwaja.

Kruta šěrokosć

Dźěli daty kruteje šěrokosće (jenaka ličba znamješkow) do špaltow. Klikńće na lineal w přehladkowym woknje, zo byšće šěrokosć nastajił.

Dźěleny přez

Wubjerće dźělatko, kotrež so ma we wašich datach wužiwać.

Tabulator (↹)

Dźěli přez tabulatory wotdźělene daty do špaltow.

Semikolon

Dźěli přez semikolony wotdźělene daty do špaltow.

Koma

Dźěli přez komy wotdźělene daty do špaltow.

Mjezota

Dźěli přez mjezoty wotdźělene daty do špaltow.

Druhe

Rozdźěluje daty do špaltow z pomocu swójskeho podateho dźělatka. Pokaz: Tute swójske dźělatko dyrbi tež we wašich datach wobsahowane być.

Dźělatka zjednoćić

Kombinuje jedne na druhe slědowace dźělatka a wotstronja prózdne datowe pola.

Mjezoty wobrězać

Wotstronja mjezoty na spočatku a kóncu datowych polow.

Dźělatko znamješkowych rjećazkow

Wubjerće znamješko, zo byšće tekstowe daty wobmjezował. Móžeće tež znamješko do tekstoweho pola zapodać.

Dalše nastajenja

Nastaja někotre importowe nastajenja.

Polo w pazorkach jako tekst formatěrować

Hdyž tute nastajenje je zmóžnjene, so pola abo cele, kotrychž hódnoty so w jich cyłkownosći cituja (prěnje a poslednje znamješko tekstowemu dźělatku wotpowědujetej) jako tekst importuja.

Wosebite ličby spóznać

Hdyž tute nastajenje je zmóžnjene, Calc awtomatisce wšě ličbowe formaty, mjez nimi wosebite ličbowe formaty kaž datum a čas, spóznawa. Wědomostna notacija so tež spźnawa, dokelž nastajenje Wědomostnu notaciju spóznać dyrbi tež w samsnym času zmóžnjene być.

Wubrana rěč wobwliwuje, kak so tajke wosebite ličby wotkrywaja, dokelž rozdźělne rěče a regiony móža rozdźělne konwencije za tajke wosebite ličby měć.

Hdyž je tute nastajenje znjemóžnjene, Calc jenož ličby w decimalnej notaciji spóznawa a přetworja. Spóznawanje ličbow we wědomostnej notaciji wot nastajenja Wědomostnu notaciju spóznać wotwisuje. Zbytk so jako tekst importuje. Decimalna ličba móže cyfry 0-9 wobsahować, tysacowkowe dźělatka a decimalne dźělatko. Tysacowkowe dźělatka a decimalne dźělatka móža so po wubranej rěči a wubranym regionje rozeznawać.

Wědomostnu notaciju spóznać

Hdyž tute nastajenje je zmóžnjene, Calc ličby z wědomostnej notaciju spóznawa, na přikład 5E2 za 500.

Wubrana rěč wobwliwuje, kak so wědomostna notacija spóznawa, dokelž rozdźělne rěče a regiony móža druhe decimalne dźělatko měć.

Tute nastajenje da so jenož zmóžnić, jeli nastajenje Wosebite ličby spóznać je do toho znjemóžnjene.

Hdyž je tute nastajenje znjemóžnjene, Calc jenož ličby w decimalnej notaciji spóznawa a přetworja. Zbytk so jako tekst importuje. Decimalna ličba móže cyfry 0-9 wobsahować, tysacowkowe dźělatka a decimalne dźělatko. Tysacowkowe dźělatka a decimalne dźělatka móža so po wubranej rěči a wubranym regionje rozeznawać.

Prózdne cele přeskočić

K dispoziciji, hdyž so Wobsah zasadźić wužiwa: Hdyž tute nastajenje je zmóžnjene, Calc předchadny wobsah celow wobchowuje, hdyž so prózdne cele zasadźuja. Hewak Calc wobsah předchadnych celow zhaša.

Jeli so při přetworjenju Tekst do špaltow celowy wobsah z dźělatkom započina a tute nastajenje je znjemóžnjene, so prěnja špalta prózdni.

Formle wuhódnoćić

Postaja, hač formlowe wurazy, kotrež so ze znamješkom = (znak runosće) započinaja, maja so jako formle wuhódnoćić abo jako tekstowe daty importować. Jeli je tute nastajenje zmóžnjene, so formle při zapodaću wuhódnoćeja. Hewak so formle jako tekst přewozmu.

Pola

Pokazuje, kak waše daty wupadaja, hdyž su do špaltow rozdźělene.

Špaltowy typ

Wubjerće špaltu w přehladkowym woknje a wubjerće datowy typ, kotryž so ma na importowane daty nałožić. Móžeće jedyn ze slědowacych móžnosćow wubrać:

Typ	Funkcija
Standard	LibreOffice sam typ postaja.
Tekst	Z importowanymi datami kaž z tekstom wobchadźeja.
Datum (DML)	Nałožuje datumowy format (dźeń, měsac, lěto) na importowane daty w špalće.
Datum (MDL)	Nałožuje datumowy format (měsac, dźeń, lěto) na importowane daty w špalće.
Datum (LMD)	Nałožuje datumowy format (lěto, měsac, dźeń) na importowane daty w špalće.
US-jendźelšćina	Ličby, kotrež su US-jendźelsce formatěrowane, so pytaja a njedźiwajo na systemowu rěč přejimaja. Ličbowy format so njenałožuje. Jeli US-jendźelske zapiski njejsu, so format Standard nałožuje.
Schować	Daty w špalće so njeimportuja.

Jeli sće jedyn z datumowych formatow (DML), (MDL) abo (LMD) wubrał a ličby bjez datumowych dźělatkow zapodawaće, so ličby takle interpretuja:

Ličba znamješkow	Datumowy format
6	Přeco dwě znamješce so za dźeń, měsac a lěto we wubranej porjedźe wužiwatej.
8	Štyri znamješka so za lěto, dwě znamješce za měsac a za dźeń we wubranej porjedźe wužiwaja.
5 abo 7	Kaž z 6 abo 8 znamješkami, prěni dźěl slěda wšak ma znamješko mjenje. To načolnu nulu za měsac a dźeń potłóčuje.

Přehlad

Pokazuje, kak importowany tekst wupada, po tym zo je so do špaltow rozdźělił. Zo byšće format na špaltu nałožił, hdyž so importuje, klikńće na špaltu a wubjerće Špaltowy typ. Hdyž Špaltowy typ wuběraće, špaltowa hłowa nałoženy format pokazuje.

Jeli chceće krutu šěrokosć wužiwać, zo byšće importowane daty do špaltow rozdźělił, klikńće na lineal, zo byšće špaltowe šěrokosće nastajił.