Tekstowe dataje eksportować
Dialog Tekstowe dataje eksportować wam zmóžnja, eksportowe nastajenja za tekstowe dataje postajić. Dialog so pokazuje, jeli daty tabeloweho dokumenta jako datajowy typ „Tekst CSV“ składujeće, a jeli kontrolny kašćik Filtrowe nastajenja wobdźěłać je w dialogu Składować jako markěrowany.
Pólne nastajenja
Definuje pólne dźělatko, tekstowe dźělatko a znamješkowu sadźbu, kotrež so za tekstowy eksport wužiwaja.
Znamješkowa sadźba
Podawa znamješkowu sadźbu za tekstowy eksport.
Pólne dźělatko
Wubjerće abo zapodajće pólne dźělatko, kotrež datowe pola wotdźěluje.
Tekstowe dźělatko
Wubjerće abo zapodajće tekstowe dźělatko, kotrež kóžde datowe polo wobdawa.
Celowy tekst mjez pazorkami wudać
Eksportuje wšě tekstowe cele z načolnymi a kónčacymi pazorkami, kaž w polu Tekstowe dźělatko podate. Jeli to zmóžnjene njeje, so jenož tekstowe cele do pazorkow stajeja, kotrež znamješko Pólne dźělatko wobsahuja.
Celowy wobsah kaž pokazany składować
Po standardźe so daty jako pokazane składuja, inkluziwnje nałožene ličbne formaty. Jeli kontrolny kašćik markěrowany njeje, so wobsah hrubych datow składuje - kaž w staršich wersijach softwary.
Wotwisujo wot ličboweho formata móhło składowanje celoweho wobsaha kaž pokazaneho hódnoty pisać, kotrež hižo njedadźa za import jako numeriske hódnoty interpretować.
Kruta špaltowa šěrokosć
Eksportuje wšě datowe pola z krutej šěrokosću.
-
Šěrokosć datoweho pola w eksportowanej tekstowej dataji so na aktualnu šěrokosć wotpowědneje špalty staja.
-
Hódnoty so w formaće eksportuje, kotryž so tuchwilu w celi pokazuje.
-
Jeli hódnota je dlěša hač kruta špaltowa šěrokosć, eksportuje so jako znamješkowy rjećazk ###.
-
Jeli znamješkowy rjećazk je dlěši hač kruta špaltowa šěrokosć, wotrězuje so na kóncu.
-
Wusměrjenja nalěwo, centrowany a naprawo so přez zasadźene mjezoty simuluja.