Datajowe formaty XML
LibreOffice po standardźe dataje w datajowym formaće OpenDocument čita a składuje.
Datajowy format OpenDocument (ODF) je standardizowany datajowy format, kotryž so přez wjele softwarowych nałoženjow wužiwa. Móžeće na sydle Wikipedije dalše informacije namakać: wikipedia.org/wiki(OpenDocument.
Mjena datajowych formatow OpenDocument
LibreOffice slědowace datajowe formaty wužiwa:
|
Dokumentowy format |
Datajowa kóncowka |
|---|---|
|
ODF-tekst |
*.odt |
|
Tekstowa předłoha ODF |
*.ott |
|
Globalny dokument ODF |
*.odm |
|
Globalna dokumentowa předłoha ODF |
*.otm |
|
HTML-dokument |
*.html |
|
Dokumentowa předłoha HTML |
*.oth |
|
Tabelowy dokument ODF |
*.ods |
|
Tabelowa dokumentowa předłoha ODF |
*.ots |
|
Rysowanka ODF |
*.odg |
|
Rysowanska předłoha ODF |
*.otg |
|
Prezentacija ODF |
*.odp |
|
Prezentaciska předłoha ODF |
*.otp |
|
ODF-formla |
*.odf |
|
Datowa banka ODF |
*.odb |
|
Rozšěrjenje LibreOffice |
*.oxt |
HTML-format format OpenDocument njeje.
Diagram ODF je mjeno datajoweho format za samostatne diagramy. Tutón format z kóncowku *.odc so tuchwilu njewužiwa.
Wuwiće formata OpenDocument
Format OpenDocument so w běhu časa wuwiwa.
|
ODF-wersija |
Datum schwalenja přez OASIS jako standard |
Prěnja podpěrowaca wersija softwary |
|---|---|---|
|
ODF 1.0 |
2005-05-01 |
OpenOffice.org 1.1.5 abo StarOffice 7 |
|
ODF 1.1 |
2007-02-02 |
OpenOffice.org 2.2 abo StarOffice 8 Update 4 |
|
ODF 1.2 |
2011-09-30 |
OpenOffice.org 3, StarOffice 9, Oracle Open Office |
|
ODF 1.2 rozšěrjeny (modus kompatibelnosće) |
— |
LibreOffice 3.5 |
|
ODF 1.2 rozšěrjeny |
— |
OpenOffice.org 3.2 abo StarOffice 9.2 |
|
ODF 1.3 |
2021-06-16 |
LibreOffice 7.0 |
|
ODF 1.3 rozšěrjeny |
— |
LibreOffice 7.0 |
|
ODF 1.4 |
2025-12-03 |
LibreOffice 25.2 |
|
ODF 1.4 Extended |
— |
LibreOffice 25.2 |
W aktualnych wersijach móžeće wubrać, hač chceće swoje dokumenty w ODF 1.2 abo ODF 1.0/1.1 (za kompatibelnosć dele) składować. Wubjerće a potom wersiju ODF-formata.
Struktura XML-dataje
Dokumenty w datajowym formaće OpenDocument so jako komprimowane Zip-archiwy składuja, kotrež XML-dataje wobsahuja. Zo byšće sej XML-dataje wobhladał, móžeće dataju OpenDocument z dekomprimowacym programom wočinić. Slědowace dataje a zapisy su w datajach OpenDocument wobsahowane:
-
Tekstowy wobsah dokumenta je w dataji content.xml.
Po standardźe so content.xml bjez formatěrowanskich elementow kaž zasunjenja abo łamanja linkow składuje, zo by so čas za składowanje a wočinjenje dokumenta miniměrował. Wužiwanje zasunjenjow a łamanjow linkow da so w ekspertowych nastajenjach aktiwizować, hdyž kajkosć /org.openoffice.Office.Common/Save/Document PrettyPrinting na true stajeće.
-
Dataja meta.xml metainformacije dokumenta wobsahuje, kotrež móžeće pod Dataja – Kajkosće… zapodać.
Jeli dokument z hesłom składujeće, so dataja meta.xml njezaklučuje.
-
Dataja settings.xml dalše informacije wo nastajenjach za tutón dokument wobsahuje.
-
W dataji styles.xml namakaće předłohi, kotrež na dokument nałožuja a kotrež móžeće we woknje Předłohi widźeć.
-
Dataja meta-inf/manifest.xml strukturu XML-dataje wopisuje.
Přidatne dataje a rjadowaki móža w zipowanym datajowym formaće wobsahowane być.
Definicija XML-formatow
Šema za formaty OpenDocument dadźa so na slědowacych wotkazach namakać.
