Přetworjenje měrjenskich jednotkow

W někotrych dialogach móžeće měrjenske hódnoty do zapodawanskich polow zapodać. Jeli jenož numerisku hódnotu zapodawaće, so standardna měrjenska jednotka wužiwa.

Definujeće standardnu měrjensku jednotku za tekstowe dokumenty Writer w dialogu, kotryž w – LibreOffice Writer – Powšitkowne namakaće. Za Calc, Draw a Impress wočinjeće dokument toho typa a potom wotpowědnu stronu Powšitkowne kaž za Writer.

W zapodawanskich polach za jednotki dołhosće móžeće tež skrótšenku jednotki po slědowacej lisćinje přidać:

Skrótšenka jednotki	Rozjasnjenje
mm	Milimeter
cm	Centimeter
in abo ″	Cól
pi	Pika
pt	Dypk

Slědowace formle jednotki přetworjeja:

• 1 cm = 10 mm

• 1 cól = 2,54 cm

• 1 cól = 6 Pika = 72 dypkow

Wočińće na přikład w tekstowym dokumenće Format – Wotstawk… – Zasunjenja a wotstup. Zo byšće aktualny wotstawk wo jedyn cól zasunył, zapodajće 1 in abo 1" do pola „Před tekst“. Zo byšće wotstawk wo 1 cm zasunył, zapodajće 1 cm do zapodawanskeho pola.