Pomoc za LibreOffice 24.8
Móžeće wjacore objekty zeskupić, zo bychu jako jednotliwy objekt fungowali. Móžeće wšě objekty w skupinach jako jednotliwu jednotku přesunyć a přetworić. Móžeće tež kajkosće (na přikład wulkosć linijow, pjelnjensku barbu) wšěch objektow skupinje jako cyłk abo za jednotliwe objekty w skupinje změnić. Skupiny móža nachwilne abo připokazane być:
Nachwilne – skupina jenož eksistuje, doniž skombinowane objekty wubrane njejsu.
Připokazane – skupina eksistuje, doniž so skupina přez menijowy přikaz njezběhnje.
Skupiny dadźa so tež w druhich skupinach zeskupić. Akcije, kotrež so na skupinu nałožuja, relatiwnu poziciju jednotliwych objektow ke kóždemu druhemu w skupinje njewobwliwuja.
Wubjerće objekty, kotrež chceće zeskupić a wubjerće Twar – Skupina – Zeskupić.
Móžeće na přikład wšě objekty w logu předewzaća zeskupić, zo byšće logo jako jednotliwy objekt pohibował a jeho wulkosć změnił.
Po zeskupjenju objektow so cyła skupina wuběra, hdyž so dźěl skupiny wuběra.
Zastupće do skupiny, zo byšće jednotliwe objekty w skupinje wubrał. Klikńće dwójce na skupinu, zo byšće do njeje zastupił a klikńće na objekt, zo byšće jón wubrał. Móžeće w tutym modusu tež skupinje objekty přidać a objekty ze skupiny wotstronić. Objekty, kotrež dźěl skupiny njejsu, so zešěrja.
Zo byšće skupinu wopušćił, klikńće dwójce něhdźe zwonka njeje.