Objekty kombinować a twary tworić

Kombinowane rysowanske objekty so kaž zeskupjene objekty zadźeržuja, jenož zo njemóžeće skupinu zapodać, zo byšće jednotliwe objekty wobdźěłał.

Zo byšće 2D-objekty kombinował:

1. Wubjerće dwaj 2D-objektaj abo wjace.

2. Wubjerće Twar – Kombinować.

Na rozdźěl wot skupinow skombinowany objekt kajkosće najspódnišeho objekta w staplowanskim porjedźe přijima. Móžeće skombinowane objekty rozdźělić, ale prěnjotne objektowe kajkosće so zhubja.

Hdyž objekty kombinujeće, so dźěry jewja, hdźež so objekty překrywaja.

We wobrazu su njekombinowane objekty nalěwo a kombinowane objekty naprawo.

Twary tworić

Móžeće twary tworić, hdyž přikazy Twary – Zjednoćić, Subtrahować a Prěčić na dwaj objektaj abo wjace nałožujeće.

Wutworjene twary kajkosće najdelnišeho objekta w staplowanskim porjedźe přijimaja.

Zo byšće twar tworił:

1. Wubjerće dwaj 2D-objektaj abo wjace.

2. Wubjerće Twar a jedyn ze slědowacych přikazow:

• Zjednoćić

• Subtrahować

• Prěčić.

Twarowe přikazy

W slědowacych wobrazach su originalne objekty nalěwo a změnjene twary naprawo.

Twary – Zjednoćić

Přidawa wobłukej najdelnišeho objekta w staplowanskim porjedźe wobłuk wubranych objektow.

Twary – Subtrahować

Subtrahuje wobłuk wubranych objektow wot wobłuka najdelnišeho objekta w staplowanskim porjedźe.

Twary – Prěčić

Překrywacy wobłuk wubranych objektow nowy twar twori.

Wobłuk zwonka překryća so wotstronja.