Runinu zasadźić abo změnić
Zasadźuje nowu runinu abo měnja runinu w dokumenće. Runiny su jenož w Draw k dispoziciji, nic w Impress.
Zo byšće runinu wubrał, klikńće na wotpowědny rajtark deleka w dźěłowym wobłuku.
Mjeno
Zapodajće mjeno za nowu runinu. Zo byšće runinu přemjenował zapodajće nowe mjeno.
Slědowace mjena runinow so internje wužiwaja a njedadźa so změnić: wuhotowanje, pozadk, pozadkowe objekty, wodźenske elementy, měrjenske linije.
Runiny wuhotowanje, wodźenske elementy a měrjenske linije su w normalnym napohledźe widźomne a wotpowěduja předdefinowanym runinam Wuhotowanje, Wodźenske elementy a Měrjenske linije.
Runina pozadkowe objekty je widźomna w předłohowym napohledźe pod mjenom pozadkowe objekty.
Runina pozadk njeje ženje widźomna a nima so wužiwać.
Zo byšće runinu direktnje přemjenował, klikńće z prawej tastu deleka na runinowy rajtark, wubjerće w kontekstowym meniju a zapodajće nowe mjeno w rajtarku.
Titul
Zapodajće titul runiny.
Wopisanje
Zapodajće wopisanje runiny.
Runinowe kajkosće
Postajće kajkosće za runinu.
Widźomny
Runinu pokazać abo schować.
Ćišćomny
Při ćišćenju so tuta jednotliwa runina ćišći abo ignoruje.
Zawrjeny
Elementy na runinje před wobdźěłowanjom škitać.