Wotprašowanski asistent
Wotprašowanski asistent wam pomha, wotprašowanje datoweje banki naćisnyć. Składowane wotprašowanje da so pozdźišo wuwołać, pak z grafiskeho wužiwarskeho powjercha pak z pomocu awtomatisce wutworjeneho rěčneho přikaza SQL.
Podawa tabelu, za kotruž so ma wotprašowanje wutworić a kotre pola chceće do wotprašowanja zapřijeć.
Podawa sortěrowanski porjad za datowe sadźby we wašim wotprašowanju.
Podawa pytanske wuměnjenja za filtrowanje wotprašowanja.
Podawa, hač so maja wšě datowe sadźby wotprašowanja pokazać abo jenož wuslědki agregatnych funkcijow.
Tuta strona so jenož pokazuje, hdyž su numeriske pola we wotprašowanju, kotrež wužiwanje agregatnych funkcijow dowoleja.
Podawa, hač so ma wotprašowanje zeskupić. Datowe žórło dyrbi SQL-instrukciju „Group by clauses“ podpěrać, zo by tutu stronu asistenta zmóžniło.
Podawa wuměnjenja za zeskupjenje wotprašowanja. Datowe žórło dyrbi SQL-instrukciju „Group by clauses“ podpěrać, zo by tutu stronu asistenta zmóžniło.
Připokazuje pólnym mjenam aliasy. Aliasy su opcionalne a móža na wužiwarja přećelne mjena k dispoziciji stajić, kotrež so město pólnych mjenow pokazuja. Alias na přikład da so wužiwać, hdyž pola z rozdźělnych tabelow samsne mjeno maja.
Zapodajće mjeno wotprašowanja a podajće, hač chceće wotprašowanje pokazać abo změnić, po tym zo asistent je skónčeny.
Wróćo
Wobhladajće sej wuběry w dialogu, kotrež su so w předchadnym kroku přewjedli. Aktualne nastajenja njezměnjene wostanu. Tute tłóčatko da so jenož wot druheje strony sem aktiwizować.
Dale
Klikńće na tłóčatko Dale a asistent aktualne dialogowe nastajenja wužiwa a k přichodnemu krokej postupuje. Jeli sće posledni krok docpěł, tute tłóčatko Wutworić rěka.
Dokónčić
Nałožuje wšě změny a začinja asistent.
Přetorhnyć
Hdyž na Přetorhnyć klikaće, so dialog začinja, bjeztoho zo bychu so změny składowali.
Wotprašowanski asistent – Pólny wuběr