Zwisk Firebird

Podawa nastajenja za zwjazowanje z eksternymi datowymi bankami Firebird.

Nowu dataju datoweje banki Firebird wutworić

1. Wubjerće Dataja – Nowy – Datowa banka a wubjerće Z eksistowacej datowej banku zwjazać. Klikńće na Dale.

2. Klikńće na Wutworić. Dialog Składować jako so wočini. Zapodajće přihódne mjeno a městno za dataju datoweje banki a klikńće na Składować/Speichern. Šćežka noweje dataje so w tekstowym polu asistenta pokazuje. Klikńće na Dale.

3. Zapodajće na přeće swoje wužiwarske mjeno a hesło. Klikńće na Dale.

4. Postajće swoje preferowane nastajenja wo zregistrowanej datowej bance a što so ma ze składowanej datowej banku stać a klikńće na Dokónčić. Pokročujće, zo byšće mjeno za nowu dataju LibreOffice Base zapodał.

Z eksistowacej dataju datoweje banki Firebird zwjazać

1. Wubjerće Dataja – Nowy – Datowa banka a wubjerće Z eksistowacej datowej banku zwjazać. Klikńće na Dale.

2. Klikńće na Přepytać a wubjerće dataju Firebird (*.fdb). Klikńće na tłóčatko Wočinić; dospołny URL k dataji datoweje banki so w tekstowym polu pokazuje. Klikńće na Dale.

3. Zapodajće na přeće swoje wužiwarske mjeno a hesło. Klikńće na Dale.

4. Postajće swoje preferowane nastajenja wo registrowanju datoweje banki a što so ma ze składowanej datowej banku stać a klikńće na Dokónčić. Pokročujće, zo byšće mjeno za nowu dataju LibreOffice Base zapodał.

Direktnje ze serwerom Firebird zwjazać

Přidatnje k zwiskam přez JDBC a ODBC móžeće z nutřkownym ćěrjakom Firebird ze serwerom Firebird zwjazać:

1. Wubjerće Dataja – Nowy – Datowa banka a wubjerće Z eksistowacej datowej banku zwjazać. Klikńće na Dale.

2. Zapodajće manuelnje URL zwiska datoweje banki do tekstoweho pola. Muster je <mjeno_serwera>/<port>:<šćežka_k_datowej_bance>, na přikład:

   serwer1/3050:C:/data/mydatabase.fdb (dźiwajće na “/”, hačrunjež jedna so wo šćežku Windows)

   serwer1:C:/data/mydatabase.fdb (standardny port, šćežka Windows)

   localhost:/data/mydatabase.fdb (serwer localhost, standardny port, šćežka Linux)

   serwer1:mydata (standardny port, zregistrowana datowa banka)

3. Klikńće na Dale.

4. Podajće přihódne wužiwarske mjeno a hesło za serwerowy zwisk. Testujće zwisk (doporučeny) a rozrisajće problemy, jeli tajke su. Klikńće na Dale.

5. Rozsudźće, hač chceće datowu banku registrować a štož so ma z njej činić, hdyž je składowana a klikńće Dokónčić. Zapodajće mjeno za nowu dataju LibreOffice Base.