Datowu banku wubrać
Wutwori nowu datowu banku, wočinja dataju datoweje banki abo zwjazuje z eksistowacej datowej banku.
Nowu datowu banku wutworić
Wubjerće tute nastajenje, zo byšće nowu datowu banku wutworił. Tute nastajenje funkcisku jednotku datoweje banki HSQL ze standardnymi nastajenjemi wužiwa. Poslednja strona asistenta so jako přichodna jewi.
Eksistowacu dataju datoweje banki wočinić
Wubjerće tute nastajenje, zo byšće dataju datoweje banki z lisćiny njedawno wužitych datajow wočinił abo z dialoga datajoweho wuběranja.
Njedawno wužity
Wubjerće dataju datoweje banki, kotraž so ma z lisćiny njedawno wužitych datajow wočinić. Klikńće na Dokónčić, zo byšće dataju hnydom wočinił a asistent wopušćił.
Wočinić
Wočinja dialog wuběranja datajow, hdźež móžeće dataju datoweje banki wubrać. Klikńće na „Öffnen“ abo na „OK“ w dialogu wuběranja datajow, zo byšće dataju hnydom wočinił a asistent wopušćił.
Z eksistowacej datowej banku zwjazać
Wubjerće tute nastajenje, zo byšće dokument datoweje banki za eksistowacy zwisk datoweje banki wutworił.
Typ datoweje banki
Wubjerće tutón typ datoweje banki za eksistowacy zwisk datoweje banki.
Typy datoweje banki Outlook, Evolution, KDE-adresnik a Seamonkey přidatne informacije njetrjebaja. Za druhe typy datoweje banki asistent přidatne strony wobsahuje, kotrež trěbne informacije skića.
Přichodna strona asistenta je jedna ze slědowacych stronow: