Wosebite nastajenja

Podawa wašnje, kak móžeće z datami w datowej bance dźěłać.

Disponujomnosć slědowacych wodźenskich elementow wot typa datoweje banki wotwisuje:

Pomjenowanske wobmjezowanje SQL92 wužiwać

Dowola jenož znamješka, kotrež pomjenowanskej konwenciji SQL 92 w mjenje w datowym žórle wotpowěduja. Wšě druhe znamješka so wotpokazuja. Kóžde mjeno dyrbi so z małym pismikom, wulkim pismikom abo podsmužku (_) započeć. Zbytne znamješka móža ASCII-pismiki, ličby a podsmužki być.

Aliasowe mjeno tabele w přikazach SELECT připowěsnyć

Připowěša alias k tabelowemu mjenu w instrukcijach SELECT.

Klučowe słowo AS před aliasowymi mjenami wužiwać

Někotre datowe banki klučowe słowo „AS“ mjez mjenom a jeho aliasom wužiwaja, mjeztym zo druhe datowe banki mjezotu wužiwaja. Zmóžńće tute nastajenje, zo byšće „AS“ před aliasom zasadźił.

Syntaksu Outer Join '{OJ }' wužiwać

Wužiwajće sekwency escape za „outer joins“. Syntaksa za tutu sekwencu escape je {oj outer-join}

Přikład:

select Artikl.* from {oj item LEFT OUTER JOIN orders ON item.no=orders.ANR}

Prawa z ćěrjaka datoweje banki ignorować

Ignoruje prawa za přistup, kotrež so wot ćěrjaka datoweje banki k dispoziciji stajeja.

Pomjenowane parametry z ? wuměnić

Wuměnja pomjenowane parametry w datowym žórle z prašakom (?).

Wersijowe špalty pokazać (je-li k dispoziciji)

Někotre datowe banki polam wersijowe čisła připokazuja, zo bychu změnam datowych sadźbow slědowali. Wersijowe čisło pola so kóždy raz, hdyž so wobsah pola měnja, wo jedyn powyšuje. Pokazuje nutřkowne wersijowe čisło datoweje sadźby w tabeli datoweje banki.

Katalogowe mjeno w instrukcijach SELECT wužiwać

Wužiwa aktualne datowe žórło kataloga. Tute nastajenje je wužitne, hdyž datowe žórło ODBC je serwer datoweje banki. Njewuběrajće tute nastajenje, jeli datowe žórło ODBC je dBASE-ćěrjak.

Mjeno šemy w instrukcijach SELECT wužiwać

Zmóžnja wam, mjeno šemy w instrukcijach SELECT wužiwać.

Indeks z přikazom ASC abo DESC wutworić

Wutwori indeks z instrukcijemi ASC abo DESC.

Tekstowe linki z CR + LF zakónčić

Wubjerće to, zo byšće kóždu tekstowu linku z kodowym porom CR + LF zakónčił (preferuje so za dźěłowe systemy DOS a Windows).

Informacije měnoweho pola ignorować

Jenož za zwiski Oracle JDBC. Hdyž tute nastajenje je zmóžnjene, so ze žanej špaltu kaž z měnowym polom njewobchadźa. Pólny typ , kotryž so přez ćěrjak datoweje banki wróća, so zaćisnje.

Zapodawanske přepruwowanja formularowych datow za trěbne pola

Hdyž nowu datowu sadźbu zapodawaće abo eksistowacu datowu sadźbu aktualizujeće, a polo prózdne wostajeće, kotrež je ze špaltu datoweje banki zwjazane, kotraž sej zapodaće wužaduje, budźeće zdźělenku widźeć, kotraž so na prózdne polo hórši.

Jeli tutón kontrolny kašćik zmóžnjeny njeje, so formulary w aktualnej datowej bance za trěbnymi polemi njepřepruwuja.

Kontrolny kašćik je za wšě typy datowych žórłow k dispoziciji, kotrež pisanski přistup k jich datam podpěruja. Kontrolny kašćik za tabelowe dokumenty, tekst, CSV a wšelake adresniki ze škitom přećiwo pisanju njeeksistuja.

Literale datuma a časa wužiwać, kotrež su konformne z ODBC

Wužiwajće literale datuma a čas, kotrež standardej ODBC wotpowěduja.

Podpěruje primarne kluče

Zmóžńće tute nastajenje, zo byšće heuristiku Base zběhnył, z kotrejž so spóznawa, hač datowa banka primarne kluče podpěruje.

Hdyž so z pomocu generiskeje API kaž ODBC, JDBC abo ADO z datowej banku zwjazuje, Base tuchwilu heuristiku nałožuje, zo by postajił, hač tuta datowa banka primarne kluče podpěruje. Žana z tych API specialnu podpěru skići, zo by tute informacije wotwołała.

Heuristika so druhdy njeradźi. Tutón kontrolny kašćik z třomi stawami je po standardźe na njepostajeny staw nastajeny, štož rěka, zo so heuristika nałožuje. Jeli tutón kontrolny kašćik je zmóžnjeny, připušća so, zo je podpěra za primarny kluč. Jeli kontrolny kašćik je znjemóžnjeny, so podpěra za primarny kluč njepřipušća.

Dźiwajće na to, zo tute nastajenje je jenož za zběhnjenje heuristiki. Jeli tutón kontrolny kašćik za datowu banku zmóžnjeće, kotraž primarny kluče njepodpěruje, budźeće někotre zmylki widźeć.

Wuslědk sadźboweho typa z ćěrjaka datoweje banki respektować

Wužiwajće rozdźělne móžnosće kulenja ćěrjaka datoweje banki wuslědkoweho mnóstwa. Hlejće konstantowu skupinu ResultSetType

Přirunanje logiskich hódnotow

Wubjerće typ logiskeho přirunanja, kotryž chceće wužiwać.

Linki za skenowanje špaltowych typow

Wubjerće ličbu linkow, zo by móhł ćěrjak datowy typ zwěsćić.