Formularowy naćisk

Kóždy dokument LibreOffice da so do formulara rozšěrić. Přidajće prosće jedyn formularowy wodźenski element abo wjacore formularowe wodźenske elementy.

Wočińće symbolowu lajstu Formularowe wodźenske elementy. Symbolowa lajsta Formularowe wodźenske elementy funkcije wobsahuje, kotrež su za wobdźěłowanje formulara trěbne. Dalše funkcije namakaće w symbolowej lajsće Formularowy naćisk a w symbolowej lajsće Dalše wodźenske elementy.

W modusu formularoweho naćiska móžeće wodźenske elementy zasadźić, kajkosće na nje nałožić, formularowe kajkosće definować a podformulary definować.

Symbol Formularowy Nawigator na symbolowej lajsće Formularowy naćisk Formularowy Nawigator wočinja.

Symbol W naćiskowym modusu wočinić wam zmóžnja, formularowy dokument składować, zo by so přeco w modusu formularoweho naćiska wočinił.

Jeli zmylk nastawa, hdyž objektam we formularje kajkosće připokazujeće (na přikład hdyž objektej njeeksistowacu tabelu datoweje banki připokazujeće), so wotpowědna zmylkowa zdźělenka jewi. Tuta zmylkowa zdźělenka móže tłóčatko Wjace wobsahować. Jeli na Wjace klikaće, so dialog jewi, kotryž dalše informacije wo aktualnym problemje pokazuje.