Diagramowy asistent – Datowy rjad

Na tutej stronje diagramoweho asistenta móžeće žórłowy wobłuk wšěch datowych rjadow separatnje změnić, inkluziwnje jich popisy. Móžeće tež wobłuk kategorijow kaž tež kajkosće kategorijow změnić, na přikład barby. Móžeće najprjedy datowy wobłuk na stronje datoweho wobłuka wubrać a potom njetrěbne datowe rjady wotstronić abo datowe rjady z druhich celow tu přidać.

Tutón dialog je jenož za diagramy k dispoziciji, kotrež na tabeli Calc abo Writer bazuja.

Datowe rjady rjadować

W lisćinowym polu „Datowy rjad“ widźiće lisćinu wšěch datowych rjadow w aktualnym diagramje.

• Zo byšće datowe rjady rjadował, wubjerće zapisk w lisćinje.

• Klikńće na „Přidać“, zo byšće dalši datowy rjad pod wubranym zapiskom přidał. Nowy datowy rjad ma samsny typ kaž wubrany zapisk.

• Klikńće na „Wotstronić“, zo byšće wubrany zapisk z lisćiny „Datowy rjad“ wotstronił.

• Wužiwajće šipkowej tłóčatce ↑ a ↓, zo byšće wubrany zapisk w lisćinje horje abo dele přesunył. To porjad w tabeli datoweho žórła njeměnja, ale měnja jenož zrjadowanje w diagramje.

Datowe rjady wobdźěłać

1. Klikńće na zapisk w lisćinje, zo byšće kajkosće za tón zapisk pokazał a wobdźěłał.

   W lisćinowym polu „Datowe wobłuki“ widźiće rólowe mjena a celowe wobłuki komponentow datowych rjadow.

2. Klikńće na zapisk, a wobdźěłajće wobsah deleka w tekstowym polu.

   Popis pódla tekstoweho pola tuchwilu wubranu rólu podawa.

3. Zapodajće wobłuk abo klikńće na Datowy wobłuk wubrać, zo byšće dialog miniměrował a wubjerće wobłuk z myšku.

   Jeli ma datowy wobłuk z wjacorych celowych wobłukow wobstać, kotrež jedyn pódla druheho njejsu, zapodajće prěni wobłuk a přidajće potom semikolon na kóncu tekstoweho pola a zapodajće potom druhe wobłuki. Wužiwajće semikolon jako dźělatko mjez wobłukami.

Wobłuk za datowu rólu, kaž Y-hódnoty, njesmě popisowu celu wobsahować.

Datowe popisy wobdźěłać

• Zapodajće abo wubjerće celowy wobłuk, kotryž so jako tekst za kategorije abo datowe popisy wužiwa.

Wotwisujo wot diagramoweho typa, so teksty na X-wósce abo jako datowe popisy pokazuja.

Kajkosće kategorijow wobdźěłać

Kóždy kategorijowy zapisk móže pjelnjensku barbu a ramikowu barbu měć.

Móžeće kajkosće pjelnjenskeje a ramikoweje barby kategorijow wobdźěłać. Barby so po wobłuku celow ze samsnej wulkosću kategorijoweho wobłuka definuja.

Barbowe hódnoty so přez swoje komponenty čerwjeny, zeleny a módry (RGB) zwuraznjeja, kombinowane přez funkciju BARBA().

Pjelnjensku barbu kategorije nastajić

1. Klikńće na zapisk Pjelnjenska barba w lisćinje.

2. Zapodajće w polu Wobłuk za pjelnjensku barbu celowe wobłuki hódnotow pjelnjenskeje barby kategorijow.

Ramikowu barbu kategorije nastajić

1. Klikńće na zapisk Ramikowa barba w lisćinje.

2. Zapodajće w polu Wobłuk za ramikowu barbu celowe wobłuki hódnotow ramikoweje barby kategorijow.

Přikład