Diagramowy asistent – datowy wobłuk

Wočinja dialog Datowe wobłuki, hdźež móžeće datowy wobłuk a datowe rjady wobdźěłać.

Na tutej stronje diagramoweho asistenta móžeće jednotliwe žórło za datowy wobłuk wubrać. Tutón wobłuk móže z wjace hač jedyn praworóžkateho celoweho wobłuka wobstać.

Tutón dialog je jenož za diagramy k dispoziciji, kotrež na tabeli Calc abo Writer bazuja.

Zo byšće datowy wobłuk podał:

1. Wubjerće datowy wobłuk. Přewjedźće jedyn ze slědowacych krokow:

   Zapodajće datowy wobłuk do tekstoweho pola.

   W Calc by přikładny datowy wobłuk "$Sheet1.$B$3:$B$14" był. Dźiwajće na to, zo datowy wobłuk móže so z wjace hač jednoho regiona w tabelowym dokumenće zestajić, na př. "$Sheet1.A1:A5;$Sheet1.D1:D5" je tež płaćiwy datowy wobłuk.

   Přikład eksterneho datoweho wobłuka by 'file:///home/user/Documents/Price list.ods'#$'Information SKU'.H51 był, kaž w Celu w druhej tabeli referencować wopisane.

   We Writer by "Table1.A1:E4" přikładowy datowy wobłuk był.

   Klikńće w Calc na Datowy wobłuk wubrać, zo byšće dialog miniměrował a ćehńće potom z myšku, zo byšće datowy wobłuk wubrał.

   Jeli ma datowy wobłuk z wjacorych celowych wobłukow wobstać, kotrež jedyn pódla druheho njejsu, zapodajće prěni wobłuk a přidajće potom semikolon na kóncu tekstoweho pola a zapodajće potom druhe wobłuki. Wužiwajće semikolon jako dźělatko mjez wobłukami.

2. Klikńće na jedne z nastajenjow za datowe rjady w linkach abo w špaltach.

3. Přepruwujće, hač datowy wobłuk popisy w prěnjej lince abo prěnjej špalće abo we woběmaj ma.

W přehledźe móžeće widźeć, kak budźe dokónčeny diagram wupadać.

Datowy wobłuk

Zapodajće datowy wobłuk, kotryž chceće do swojeho diagrama zapřijeć. Zo byšće tutón dialog miniměrował, mjeztym zo datowy wobłuk w Calc wuběraće, klikńće na tłóčatko Datowy wobłuk wubrać.

Datowe rjady w linkach

Datowe rjady swoje daty wot na so slědowacych linkow we wubranym wobłuku dóstawaja. Za dypkowe diagramy budźe prěni datowy rjad x-hódnoty za wšě rjady wobsahować. Wšě druhe datowe rjady so jako y-hódnoty wužiwaja, jedna za kóždy rjad.

Datowe rjady w špaltach

Datowe rjady swoje daty wot na so slědowacych špaltow we wubranym wobłuku dóstawaja. Za dypkowe diagramy budźe prěnja datowa špalta x-hódnoty za wšě rjady wobsahować. Wšě druhe datowe špalty so jako y-hódnoty wužiwaja, jedna za kóždy rjad.

Prěnja linka jako popis

Za datowe rjady w špaltach: Prěnja linka we wobłuku so jako mjena za datowe rjady wužiwa. Za datowe rjady w linkach: Prěnja linka we wobłuku so jako kategorije wužiwa. Zbytne linki datowe rjady wobsahuja. Jeli so tutón kontrolny kašćik njewuběra, wšě linki su datowe rjady.

Prěnja špalta jako popis

Za datowe rjady w špaltach: Prěnja špalta we wobłuku so jako mjena za datowe rjady wužiwa. Za datowe rjady w linkach: Prěnja špalta we wobłuku so jako kategorije wužiwa. Zbytne špalty datowe rjady wobsahuja. Jeli so tutón kontrolny kašćik njewuběra, wšě špalty su datowe špalty.