Diagramowy typ XY (rozbrojenski diagram)
Na prěnjej stronje diagramoweho asistenta móžeće diagramowy typ wubrać.
XY (rozbrojenski diagram)
Jednory XY-diagram na jednym datowym rjedźe bazuje, kotryž z mjena, lisćiny X-hódnotow a lisćiny Y-hódnotow wobsteji. Kóždy por (X|Y) so jako dypk w koordinatowym systemje pokazuje. Mjeno datoweho rjada je z Y-hódnotami zwjazane a so w legendźe pokazuje.
Wubjerće XY-diagram ze slědowacych přikładowych nadawkow:
-
X-wósku skalować
-
Parametrowu křiwku, na přikład spiralu, wutworić
-
Graf funkcije rysować
-
statistiske přirjadowanje kwantitatiwnych wariablow zwěsćić
Waš XY-diagram móže wjace hač jedyn datowy rjad měć.
Warianty XY-diagramow
Móžeće wariantu XY-diagrama na prěnjej stronje diagramoweho asistenta wubrać, abo wuběraće za diagram we wobdźěłanskim modusu.
Diagram so ze standardnymi nastajenjemi wutworja. Po tym zo je diagram wutworjeny, móžeće jeho kajkosće wobdźěłać, zo byšće napohlad změnił. Linijowe stile a symbole dadźa so w rajtarku Linija dialoga kajkosćow datoweho rjada změnić.
Klikńće dwójce na datowy dypk, zo byšće dialog wočinił. W tutym dialogu móžeće wjele kajkosćow datoweho rjada změnić.
Za 2D-diagramy móžeće wubrać, zo byšće zmylkowe hrjady pokazał.
Móžeće přerězkowe a trendowe linije z pomocu přikazow w meniju Zasadźić pokazać.
Jenož dypki
Kóždy datowy dypk so přez symbol pokazuje. LibreOffice standardne symbole z rozdźělnymi formami a barbami za kóždy datowy rjad wužiwa. Standardne barby so w nastajeja.
Jenož dypki
Jenož linije
Tuta warianta rune linije wot jednoho datoweho dypka do přichodneho rysuje. Datowe dypki so přez symbole njepokazuja.
Rysowanski porjad je samsny kaž porjad w datowym rjedźe. Markěrujće Po X-hódnotach sortěrować, zo byšće linije po porjedźe X-hódnotow rysował. Tute sortěrowanje so jenož na diagram nałožuje, nic na daty w tabeli.
Jenož linije
Dypki a linije
Tuta warianta dypki a linije naraz pokazuje.
Dypki a linije
3D-linije
Linije so kaž paski pokazuja. Datowe dypki so přez symbole njepokazuja. Wubjerće we wutworjenym diagramje 3D-napohlad, zo byšće kajkosće kaž wobswětlenje a nuhel hladanja nastajił.
3D-linije
Linije hładźić
Wubjerće Křiwka z wuběranskeho pola Linijowy typ, zo byšće křiwki město runych linijowych segmentow rysował.
Klikńće na Kajkosće, zo byšće podrobnosće za křiwki nastajił.
Schodźenkowe linije
Wubjerće Schodźenki z wuběranskeho pola Linijowy typ, zo byšće linije rysował, kotrež wot dypka do dypka postupuja, město runych linijowych segmentow.
Klikńće na Kajkosće, zo byšće podrobnosće za křiwki nastajił.
Su 4 rozdźělne schodźenkowe typy:
|
Krok |
Wopisanje |
|---|---|
|
|
Započina so z horicontalnej liniju a postupuje wertikalnje hač do kónca. |
|
|
Postupuje wertikalnje a kónči so z horicontalnej liniju. |
|
|
Započina so z horicontalnej liniju, postupuje wertikalnje wosrjedź X-hódnotow a kónči so z horicontalnej liniju. |
|
|
Započina so wertikalnje hač do srjedźizny Y-hódnotow, pokročuje so z horicontalnej liniju a kónči so wertikalnje na kóncu. |
