Diagramowy typ „Kruh“

Na prěnjej stronje diagramoweho asistenta móžeće diagramowy typ wubrać.

Kruh

Kružny diagram hódnoty jako kružne sektory pokazuje. Dołhosć łuka abo płonina kóždeje sektora je datej hódnoće proporcionalna.

Kružny diagram: Tutón podtyp sektory jako barbojte płoniny kruha pokazuje, jenož za jednu datowu špaltu. We wutworjenym diagramje móžeće na sektor kliknyć a ćahnyć, zo byšće tón sektor wot zbytneho kruha wotdźělić abo zaso z nim zwjazać.

Rozćahany kružny diagram: Tutón podtyp sektory pokazuje, kotrež su hižo jedyn wot druheho wotdźělene. We wutworjenym diagramje móžeće na sektor kliknyć a ćahnyć, zo byšće jón podłu radialneje wóski ze srjedźizny kruha přesunył.

Kołowy diagram: Tutón podtyp móže wjacore datowe špalty. Kóžda datowa špalta so jako koło z dźěru w srjedźiznje pokazuje, hdźež da so přichodna datowa špalta pokazać. We wutworjenym diagramje móžeće na wonkowny sektor kliknyć a ćahnyć, zo byšće jón podłu radialneje wóski ze srjedźizny koła přesunył.

Rozćahany kołowy diagram: Tutón podtyp wonkowne sektory pokazuje, kotrež su hižo ze zbytneho koła wotdźělene. We wutworjenym diagramje móžeće na wonkowny sektor kliknyć a ćahnyć, zo byšće jón podłu radialneje wóski ze srjedźizny koła přesunył.

Diagram hrjada z kruha: Tutón podtyp kružny diagram nalěwo pokazuje, z poslednimi třomi zapiskami w datowym špalće, kotrež su jako „zestajeny“ sektor zhromadźene. Zestajeny sektor je naprawo do hrjadoweho diagrama rozdźělene.

Diagram kruh z kruha: Tutón podtyp kružny diagram nalěwo pokazuje, z poslednimi třomi zapiskami w datowym špalće, kotrež su jako „zestajeny“ sektor zhromadźene. Zestajeny sektor jso naprawo jako dalši kružny diagram pokazuje.