Diagramowy typ „Stołp a linija“

Na prěnjej stronje diagramoweho asistenta móžeće diagramowy typ wubrać.

Stołp a linija

Stołpowy a linijowy diagram je kombinacija stołpoweho diagrama z linijowym diagramom.

Wubjerće jednu z wariantow

• Stołpy a linije. Praworóžki datowych rjadow stołpow so jedyn pódla druheho rysuja, zo byšće móhł jich hódnoty lochko přirunać.

• Staplowane stołpy a linije. Praworóžki datowych rjadow stołpow so jedyn nad druhim staplowane rysuje, zo by so wysokosć stołpa sumu datowych hódnotow wizualizuje.

Móžeće druhu Y-wósku přez Zasadźić – Wóski… zasadźić, po tym zo sće asistent skónčił.

Zo byšće datowy wobłuk podał:

Špalty cyle nalěwo (abo linki horjeka) wubraneho datoweho rjada daty skića, kotrež so jako stołpowe objekty pokazuja. Druhe špalty abo linki datoweho wobłuka daty za linijowe objekty skića. Móžeće tute připokazanje w dialogu Datowy rjad změnić.

1. Wubjerće datowy wobłuk.

2. Klikńće na jedne z nastajenjow za datowe rjady w linkach abo špaltach.

3. Přepruwujće, hač datowy wobłuk popisy w prěnjej lince abo prěnjej špalće abo we woběmaj ma.

Datowe rjady rjadować

W lisćinowym polu „Datowy rjad“ widźiće lisćinu wšěch datowych rjadow w aktualnym diagramje.

Stołpowe datowe rjady su horjeka w lisćinje, linijowe datowe rjady deleka w lisćinje.

• Zo byšće datowe rjady rjadował, wubjerće zapisk w lisćinje.

• Klikńće na „Přidać“, zo byšće dalši datowy rjad pod wubranym zapiskom přidał. Nowy datowy rjad ma samsny typ kaž wubrany zapisk.

• Klikńće na „Wotstronić“, zo byšće wubrany zapisk z lisćiny „Datowy rjad“ wotstronił.

• Wužiwajće šipkowej tłóčatce ↑ a ↓, zo byšće wubrany zapisk w lisćinje horje abo dele přesunył. Tak móžeće stołpowy datowy rjad do lisćinoweho datoweho rjada a nawopak přetworić. To porjad w tabeli datoweho žórła njeměnja, ale měnja jenož porjad w diagramje.

Datowe rjady wobdźěłać

1. Klikńće na zapisk w lisćinje, zo byšće kajkosće za tón zapisk pokazał a wobdźěłał.

   W lisćinowym polu „Datowe wobłuki“ widźiće rólowe mjena a celowe wobłuki komponentow datowych rjadow.

2. Klikńće na zapisk, a wobdźěłajće wobsah deleka w tekstowym polu.

   Popis pódla tekstoweho pola tuchwilu wubranu rólu podawa.

3. Zapodajće wobłuk abo klikńće na Datowy wobłuk wubrać, zo byšće dialog miniměrował a wubjerće wobłuk z myšku.

Wobłuk za datowu rólu, kaž Y-hódnoty, njesmě popisowu celu wobsahować.

Kategorije abo datowe popisy wobdźěłać

• Zapodajće abo wubjerće celowy wobłuk, kotryž so jako tekst za kategorije abo datowe popisy wužiwa.

Hódnoty w kategorijowym wobłuku so jako popisy na X-wósce pokazuja.

Diagramowe elementy zasadźić

Wužiwajće stronu „Diagramowe elementy“ diagramoweho asistenta, zo byšće slědowace elementy zasadźił:

• Diagramowe titule

• Legenda

• Widźomne lěsyčne linije

Wužiwajće za přidatne elementy meni Zasadźić diagrama we wobdźěłanskim modusu. Tam móžeće slědowace elementy namakać:

• Sekundarne wóski

• Pomocne lěsycy

• Datowe popisy

• Statistiske podaća, na přikład přerězne hódnoty, zmylkowe hrjady Y a trendowe linije

Zo byšće rozdźělne datowe popisy za kóždy datowy rjad nastajił, wužiwajće dialog kajkosćow datoweho rjada.