3D-napohlad

Na prěnjej stronje diagramoweho asistenta abo w kontekstowym meniju móžeće diagramowy typ wubrać.

Diagramowy přehlad nowym nastajenjam wotpowěduje, kotrež w dialogu zapodawaće.

• Hdyž dialog z kliknjenjom na W porjadku začinjeće, so nastajenja stajnje nałožuja.

• Hdyž dialog z kliknjenjom na Přetorhnyć abo z tłóčenjom tasty Esc začinjeće, so diagram k stawej wróći, kotryž měješe, hdyž sće dialog wočinił.

Za 3D-diagram móžeće Format – 3D-napohlad wubrać, zo byšće perspektiwu, napohlad a wobswětlenje nastajił.

Perspektiwa

• Zapodajće hódnoty za wjerćenje diagrama po třoch wóskach za perspektiwiski napohlad.

Stajće wšě kuty na 0, zo byšće prědni napohlad diagrama pokazał. Kružne a kołowe diagramy so jako kruhi pokazuja.

Ze zmóžnjenymi prawokutnymi wóskami móžeće diagramowy wobsah jenož k X- a Y-směrej wjerćeć, to rěka, paralelnje k diagramowym ramikam.

Hdyž su X-hódnota na 90 a Y- a Z-hódnota na 0 nastajene, so diagram wot horjeka pokazuje. Jeli X je na -90 nastajeny, widźiće diagram wot deleka.

Wjerćenja so najprjedy na X-, potom na Y- a naposledk na Z-wósku nałožuja.

Hdyž sće „wotsćinjenje“ zmóžnił a diagram wjerćiće, so swětła wjerća, kaž bychu z diagramom kruće zwjazane byli.

Wubjerće kontrolny kašćik Perspektiwa, zo byšće diagram w centralnej perspektiwje kaž přez kamerowu čóčku a nic jako paralelna projekcija.

Nastajće palny wotstawk z wjertnym polom. Z 100 % perspektiwiski napohlad dóstawaće, hdźež daloka kroma něhdźe poł tak wulka wupada kaž bliska kroma.

Napohlad

• Wubjerće šemu z lisćinoweho pola.

Hdyž šemu wuběraće, so kontrolne kašćiki a swětła wotpowědnje nastajeja.

• Jeli kombinaciju kontrolnych kašćikow zmóžnjeće abo znjemóžnjeće, kotraž přez šemu Realistiski abo Jednory postajena njeje, wutworjeće swójsku šemu.

• Markěrujće Wotsćinjenje, zo byšće metodu Gouraud wužiwał, zo byšće powjerch rysował, hewak so metoda Flat wužiwa.

  Metoda Flat jednu barbu a swětłosć za kóždy polygon nastaja. Kromy su widźomne, mjechke barbowe přeběhi a spotswěcy móžne njejsu.

  Metoda Gouraud barbowe přeběhi za łahodniši, bóle realistiski napohlad wužiwa.

• Markěrujće objektowe ramiki, zo byšće linije podłu kromow rysował.

• Markěrujće Skulojćene kromy, zo byšće kromy praworóžkatych twarow zhładźił.

Wobswětlenje

Nastajće swětła za 3D-napohlad.

• Klikńće na jedne z wosom tłóčatkow, zo byšće wusměrjene swětło zaswěćił abo hasnył.

  Po standardźe je druhe swětło zaswěćene. Je prěnje sydom „normalnych“, jednostajnych swětłow. Prěnje swětło swěćate swětło ze swětłowymi efektami projicěruje.

• Za druhe swětło móžeće potom direktnje pod wosom tłóčatkami barbu a intensitu z lisćinoweho pola wubrać. Hódnoty swětłosće wšěch swětłow so aděruja, wužiwajće tuž ćmowe barby, hdyž wjacore swětła zmóžnjeće.

• Mały přehlad na tutym rajtarku ma dwaj zasuwakaj, z kotrymaj móžeće wertikalnu a horicontalnu poziciju wubraneho swětła nastajić. Swětło je přeco na srjedźiznu objekta wusměrjene.

• Tłóčatko w róžku małeho přehlada nutřkowny wobswětlenski model mjez kulu a kubusom přepina.

• Wužiwajće lisćinowe polo „Wokolinowe swětło“, zo byšće wokolinowe swětło definował, kotrež z jenakej intensitu ke wšěm směram swěći.