Skalowanje
Wodźi skalowanje X- abo Y-wóski.
Wóski so přez LibreOffice awtomatisce skaluja, zo bychu so wšě hódnoty optimalnje pokazali.
Zo byšće wěste wuslědki dóstał, móžeće skalowanje wóski manuelnje změnić. Móžeće na přikład jenož hornje dźěle špaltow pokazać, hdyž nulowu liniju horje přesuwaće.
Skalowanje
Móžeće w tutym wobłuku hódnoty za poddźělowanje wóskow zapodać. Móžeće kajkosće minimum, maksimum, hłowny interwal, dźělny interwal a referencnu hódnotu awtomatisce nastajić.
Minimum
Definuje minimalnu hódnotu za spočatk wóski.
Maksimum
Definuje maksimalnu hódnotu za kónc wóski.
Hłowny interwal
Definuje interwal za hłowne poddźělenje wóskow. Hłowny interwal njesmě wjetši hač hódnotowy wobłuk być.
Dźělny interwal
Definuje interwal za poddźělenje wóskow.
Referencna hódnota
Podawa, na kotrej poziciji so maja hódnoty podłu wóskow pokazać.
Awtomatiski
Dyrbiće najprjedy nastajenje Awtomatiski znjemóžnić, zo byšće hódnoty změnił.
Znjemóžńće tutu funkciju, jeli z „krutymi“ hódnotami dźěłaće, dokelž to awtomatiskemu skalowanju zadźěwa.
Logaritmiske skalowanje
Podawa, zo so ma wóska logaritmisce poddźělić.
Wužiwajće tutu funkciju, jeli z hódnotami dźěłaće, kotrež so jedna wot druheje jara rozeznawaja. Móžeće logaritmiske skalowanje wužiwać, zo bychu wotstupy lěsyčnych linijow wóski jenake byli, ale hódnoty maja, kotrež přiběraja abo woteběraja.
Nawopačny směr
Definuje, hdźež so niše a hdźež wyše hódnoty na wósce pokazuja. Njemarkěrowany status je matematiski směr. To za karteziske koordinatowe systema woznamjenja, zo X-wóska niše hódnoty nalěwo pokazuje a Y-wóska niše hódnoty deleka pokazuje. Za polarne koordinatowe systemy je směr matematiskeje kutoweje wóski přećiwo směrej časnika a radialna wóska je wotnutřka won.
Typ
Za někotre wóskowe typy móžeće podać, hač so ma wóska jako tekst abo datum formatěrować abo hač so ma typ awtomatisce spóznać. Za wóskowy typ „Datum“ móžeće slědowace nastajenja postajić:
Minimalna a maksimalna hódnota, kotrejž so matej na kóncu skale pokazać.
Rozeznaće da so tak nastajić, zo bychu so dny, měsacy abo lěta jako interwalowe kroki pokazali.
Hłowny interwal da so tak nastajić, zo by so wěsta ličba dnjow, měsacow abo lět pokazała.
Pomocny interwal da so tak nastajić, zo by so wěsta ličba dnjow, měsacow abo lět pokazała.