Wusměrjenje
Změni wusměrjenje wóskow abo titulow.
Někotre nastajenja, kotrež su tu nalistowane, za wšě popisy k dispoziciji njejsu. Su na přikład rozdźělne nastajenja za popisy 2D- a 3D-objektow.
Popisy pokazać
Podawa, hač so maja popisy wóski pokazać abo schować.
Symbol Wóskowy titul zapinjeny/wupinjeny w symbolowej lajsće Formatěrowanje popisy wšěch wóskow zapina abo wupina.
Tekst wjerćeć
Definuje tekstowy směr celoweho wobsaha. Klikńće na tłóčatka ABCD, zo byšće požadany směr připokazał.
ABCD-kolesko
Klikńće něhdźe na kolesko, zo byšće tekstowy směr definował. Pismiki „ABCD“ na tłóčatku nowemu nastajenju wotpowěduja.
ABCD-tłóčatko
Připokazuje wertikalny tekstowy směr za celowy wobsah.
Jeli wertikalny popis X-wóski definujeće, so snano tekst přez liniju X-wóski wotrězuje.
Stopnje
Zmóžnja wam, wusměrjenski kut manuelnje zapodać.
Tekstowy běh
Postaja tekstowy běh datoweho popisa.
Překryće
Podawa, zo tekst w celach smě druhe cele překryć. To móže předewšěm wužitne być, jeli je njedostatk ruma. Tute nastajenje z druhimi titulnymi směrami k dispoziciji njeje.
Přestawka
Zmóžnja tekstowe łamanje.
Slědowace nastajenja za wšě diagramowe typy k dispoziciji njejsu:
Porjad
Nastajenja w tutym rajtarku su jenož za 2D-diagramy k dispoziciji, pod Format – Wóska – Y-wóska… abo X-wóska…. W tutym wobłuku móžeće wusměrjenje ličbnych popisow za X-wósku abo Y-wósku definować.
Kachlicować
Rjaduje ličby na wósce jednu pódla druheje.
Wysoko-hłuboko přestajeny
Rjaduje ličby na wósce přestajene, rune ličby niše hač njerune ličby.
Hłuboko-wysoko přestajeny
Rjaduje ličby na wóskach přestajene, njerune ličby niše hač rune ličby.
Awtomatiski
Rjaduje ličby awtomatisce na wósce.
Móža problemy při pokazowanju popisow nastać, hdyž wulkosć wašeho diagrama je přemała. Powjetšće napohlad abo pomjeńšće pismowu wulkosć, zo byšće to wobešoł.
Tekstowy směr
Podajće tekstowy směr za wotstawk, kotryž kompleksne tekstowe wuhotowanje (CTL) wužiwa. Funkcija je jenož k dispoziciji, jeli podpěra za kompleksne tekstowe wuhotowanje je zmóžnjena.