Zmylkowe hrjady X/Y

Wužiwajće dialog zmylkowe hrjady X/Y, zo byšće zmylkowe hrjady za 2D-diagramy pokazał.

Jeli so element datoweho rjada wuběra, so tutón přikaz jenož na tón datowy rjad wuskutkuje. Jeli žadyn element wubrany njeje, so tutón přikaz na wšě datowe rjady wuskutkuje.

Přistup k tutomu přikazej …

WubjerćeZasadźić – Zmylkowe hrjady X… abo Zasadźić - Zmylkowe hrjady Y… (diagram dyrbi zasadźeny być)


Zmylkowa hrjada je kontrolna linija, kotraž wobłuk wot X/Y - NegatiwnaZmylkowaHódnota do X/Y + PozitiwnaZmylkowaHódnota wobsahuje. W tutym wurazu je X abo Y hódnota datoweho dypka. Hdyž so „standardne wotchilenje“ wuběra, X abo Y je přerězna hódnota datoweho rjada. NegatiwnaZmylkowaHódnota a PozitiwnaZmylkowaHódnota stej sumje, kotrejž so přez funkciju zmylkoweje hrjady wuličetej abo so eksplicitnje podawatej.

Symbol za Notica

Menijowy přikaz Zasadźić – Zmylkowe hrjady X/Y… je jenož za 2D-diagramy k dispoziciji.


Zmylkowa kategorija

We wobłuku Zmylkowa kategorija móžeće rozdźělne móžnosće wubrać, zo byšće zmylkowu kategoriju pokazał.

Žana

Njepokazuje zmylkowe hrjady.

Konstantna hódnota

Pokazuje konstantne hódnoty, kotrež sće w parametrowym wobłuku podał.

Procentowa hódnota

Pokazuje procentowu sadźbu. Pokazanje so na wotpowědny datowy dypk poćahuje. Nastajće procentowu sadźbu w parametrowym wobłuku.

Funkcije

Wubjerće funkciju, zo byšće zmylkowe hrjady wobličił.

Standardny zmylk: Pokazuje standardny zmylk.

Warianca: Pokazuje wariancu, kotraž so z ličby datowych dypkow a wotpowědnych hódnotow wobličuje.

Standardne wotchilenje: Pokazuje standardne wotchilenje (kwadratny korjeń wariancy). Na rozdźěl wot druhich funkcijow so zmylkowe hrjady w srjedźiznje centruje.

Zmylkowa hranica: Pokazuje najwyšu zmylkowu hranicu w procentach po najwyšej hódnoće datoweje skupiny. Nastajće procentowu sadźbu w parametrowym wobłuku.

Celowy wobłuk

Klikńće Celowy wobłuk a podajće potom celowy wobłuk, z kotrehož so maja pozitiwne a negatiwne hódnoty zmylkoweje hrjady přewzać.

Z datoweje tabele

Za diagram ze swójskimi datami dadźa so hódnoty zmylkoweje hrjady do tabele diagramowych datow zapodać. Dialog Datowa tabela přidatne špalty z titulom Pozitiwna zmylkowa hrjada X abo Y a Negatiwna zmylkowa hrjada X abo Y pokazuje.

Samsna hódnota za wobaj

Zmóžńće to, zo byšće pozitiwne kaž tež negatiwne zmylkowe hódnoty wužiwał. Móžeće jenož hódnotu kašćika „Pozitiwny (+)“ změnić. Tuta hódnota so awtomatisce do kašćika „Negatiwny (-)“ kopěruje.

Zmylkowy indikator

Podawa zmylkowy indikator.

Pozitiwny a negatiwny

Pokazuje pozitiwne a negatiwne zmylkowe hrjady.

Pozitiwny

Pokazuje jenož pozitiwne zmylkowe hrjady.

Negatiwny

Pokazuje jenož negatiwne zmylkowe hrjady.

Prošu podpěrajće nas!