Pomoc za LibreOffice 25.2
Wočinja dialog Datowa tabela, hdźež móžeće diagramowe daty wobdźěłać.
Dialog Datowa tabela k dispoziciji njeje, jeli diagram zasadźujeće, kotryž na tabeli Calc abo tabeli Writer bazuje.
Zo byšće diagram manuelnje aktualizował, hdyž so tabela Writer měnja:
Někotre změny budu jenož widźomne, po tym zo sće dialog začinił a zaso wočinił.
Hdyž diagram wutworiće, kotryž na standardnych datach bazuje, abo hdyž diagram do swojeho dokumenta kopěrujeće, móžeće dialog Datowa tabela wočinić, zo byšće swójske daty zapodał. Diagram daty w live-přehledźe zwobraznja.
Začińće dialog Diagramowe daty, zo byšće wšě změny na diagram nałožił. Wubjerće Wobdźěłać – Cofnyć, zo byšće změny zaćisnył.
Zasadźće abo wubjerće diagram, kotryž na eksistowacych celowych datach njebazuje.
Wubjerće Napohlad – Datowa tabela…, zo byšće dialog Datowa tabela wočinił.
Datowe rjady su w špaltach zrjadowane. Špalta cyle nalěwo kategorije abo datowe popisy wobsahuje. Wobsah špalty cyle nalěwo so přeco jako tekst formatěruje. Móžeće dalše tekstowe špalty zasadźić, kotrež so jako hierarchiske popisy wužiwaja.
Klikńće na celu w dialogu a změńće wobsah. Klikńće na druhu celu, zo byšće sej změnjeny wobsah w přehledźe wobhladał.
Zapodajće mjeno datoweho rjada do tekstoweho pola nad špaltu.
Wužiwajće symbole nad tabelu, zo byšće linki a špalty zasadźił. Za datowy rjad z wjacorymi špaltami, da so jenož cyły datowy rjad zasadźić abo zhašeć.
Porjad datoweho rjada w diagramje je samsny kaž w datowej tabeli. Wužiwajće symbol Datowy rjad naprawo přesunyć, zo byšće aktualnu špaltu ze susodnej špaltu naprawo pódla njeje wuměnił.
Porjad kategorijow abo datowych dypkow w diagramje je samsny kaž w datowej tabeli. Wužiwajće symbol Linku dele přesunyć, zo byšće aktualnu linku ze susodnej linku pod njej wuměnił.