Zastupowace symbole w formlach wužiwać

Zastupowace symbole su wosebite znamješka, kotrež dadźa so w pytanskich wurazach wužiwać, kotrež so někotrym funkcijam Calc jako argumenty přepodawaja. Dadźa so tež wužiwać, zo bychu pytanske kriterije w dialogu Pytać a wuměnić definowali. Wužiwanje zastupowacych symbolow definiciju dalšich rozšěrjenych pytanskich parametrow z jednotliwym pytanskim wurazom zmóžnja.

LibreOffice Calc pak zastupowace symbole abo regularne wurazy jako argumenty podpěruje, wotwisujo wot aktualnych nastajenjow nałoženja. Po standardźe LibreOffice Calc zastupowace symbole město regularnych wurazow podpěruje.

Zo bychu so zastupowace symbole podpěrali, přeńdźće k a přepruwujće, hač nastajenje Zastupowace symbole w formlach zmóžnić je wubrane. Dźiwajće na to, zo móžeće tutón dialog wužiwać, zo byšće město toho regularne wurazy wužiwał; wubjerće Regularne wurazy w formlach zmožnić za to. Móžeće tež wubrać, zo ani zastupowace symbole ani regularne adresy njewužiwaće.

Slědowace zastupowace symbole so podpěruja:

Zastupowacy symbol	Wopisanje
? (prašak)	Wotpowěduje jednotliwemu znamješku. Pytanski wuraz „b?h“ słowomaj „běh“ a „bóh“ wotpowěduje, ale nic „bój“ abo „bok“. Dźiwajće na to, zo b?h bh ani njewotpowěduje, dokelž „?“ dyrbi eksaktnje jednomu znamješku wotpowědować. Zastupowacy symbol „?“ njeeksistowacemu znamješku njewotpowěduje.
* (hwěžka)	Wotpowěduje někajkemu znamješkowemu slědej, mjez druhim tež prózdnemu znamješkowemu rjećazkej. Pytanski wuraz „dawk“ na přikład „dawk“, „nadawk“ a „podawk“ wotpowěduje, ale nic „nadawkar“, jeli so standardne nastajenja LibreOffice wužiwaja. Jeli nastajenje Pytanske kriterije = a <> dyrbja so na cyłe cele nałožić je w znjemóžnjene, by „nadawkar“ pytanskemu wurazej „dawk“ wotpowědował.
~ (tilda)	Zběhnje wosebity woznam prašaka, hwěžki abo tildy, kotrež direktnje tildźe slěduja. Pytanski wuraz „što~?“ „što?“ wotpowěduje, nic wšak „štož“ abo „što~ž“.

Zastupowacy symbol

Wopisanje

? (prašak)

Wotpowěduje jednotliwemu znamješku. Pytanski wuraz „b?h“ słowomaj „běh“ a „bóh“ wotpowěduje, ale nic „bój“ abo „bok“.

Dźiwajće na to, zo b?h bh ani njewotpowěduje, dokelž „?“ dyrbi eksaktnje jednomu znamješku wotpowědować. Zastupowacy symbol „?“ njeeksistowacemu znamješku njewotpowěduje.

* (hwěžka)

Wotpowěduje někajkemu znamješkowemu slědej, mjez druhim tež prózdnemu znamješkowemu rjećazkej. Pytanski wuraz „*dawk“ na přikład „dawk“, „nadawk“ a „podawk“ wotpowěduje, ale nic „nadawkar“, jeli so standardne nastajenja LibreOffice wužiwaja.

Jeli nastajenje Pytanske kriterije = a <> dyrbja so na cyłe cele nałožić je w znjemóžnjene, by „nadawkar“ pytanskemu wurazej „*dawk“ wotpowědował.

~ (tilda)

Zběhnje wosebity woznam prašaka, hwěžki abo tildy, kotrež direktnje tildźe slěduja.

Pytanski wuraz „što~?“ „što?“ wotpowěduje, nic wšak „štož“ abo „što~ž“.

Zastupowace symbole so w LibreOffice Calc kaž tež w Microsoft Excel podpěruja. Jeli tuž wuměna mjez woběmaj nałoženjomaj je trěbna, dźěłajće ze zastupowacymi symbolemi a nic z regularnymi wurazami. Jeli wuměna mjez nałoženjomaj trěbna njeje, rozwažće wužiwanje regularne wurazy za bóle wukonliwe pytanske funkcije.

Podpěrane tabelowe funkcije

Zastupowace symbole so přez slědowace tabelowe funkcije podpěruja:

Funkcije datoweje banki: DBPŘERĚZK, DBLIČBA, DBLIČBA2, DBWUĆAH, DBMAKS, DBMIN, DBPRODUKT, DBSTAWOTCH, DBSTAWOTCHN, DBSUMA, DBWARIANCA and DBWARIANCY.
Statistiske funkcije: PŘERĚZKJELI, PŘERĚZKJELIS, LIČIĆJELI, LIČIĆJELIS, MAKSJELIS, MINJELIS, SUMAJELI a SUMAJELIS.
Tabelowe funkcije: HPOKAZ, POKAZ a WPOKAZ.
Druhe funkcije: PŘIRUNANJE a PYTAĆ.

Přikłady za zastupowace symbole w formlach

Slědowace přikłady wot toho wuchadźa, zo nastajeni Zastupowace symbole w formlach zmóžnić a Pytanske kriterije = a <> dyrbja so na cyłe cele nałožić stej zmóžnjenej.

=LIČIĆJELI(A1:A10;"Chi*") ličbu celow we wobłuku A1:A10 liči, kotryž znamješkowe rjećazki z „Chi“ slědowany přez nul abo wjace znamješkow wobsahuje.

=SUMAJELI(A1:A5;"A??";B1:B5) hódnoty w B1:B5 suměruje, kotrychž přisłušne hódnoty so w A1:A5 z „A“ slědowany přez eksaktnje dwě druhej znamješce započinaja.

Při přirunanjach ze zastupowacymi symbolemi so mjez wulko- a małopisanjom njerozeznawa, tohodla „A?“ „A1“ kaž tež „a1“ wotpowěduje.

List of Regular Expressions