Eksterne daty do tabele zasadźić (webwotprašenje)
Z importowym filtrom Wotprašenje webstrony (LibreOffice Calc) móžeće tabele z HTML-dokumentow do tabeloweho dokumenta Calc zasadźić.
Móžeće samsnu metodu wužiwać, zo byšće pomjenowane wobłuki z tabeloweho dokumenta Calc abo Microsoft Excel zasadźił.
Slědowace zasadźenske metody su k dispoziciji:
Přez dialog zasadźić
-
Stajće celowy kursor na celu, hdźež so ma nowy wobsah zasadźić.
-
Wubjerće Tabela – Eksterne zwjazanja…. To dialog Eksterne daty wočini.
-
Zapodajće URL HTML-dokumenta abo mjeno tabeloweho dokumenta. Tłóčće Enter, hdyž sće hotowy. Klikńće na tłóčatko Přepytać…, zo byšće dialog za wuběranje dataje wočinił.
-
Wubjerće we wulkim lisćinowym polu dialoga pomjenowane wobłuki abo tabele, kotrež chceće zasadźić.
-
Móžeće tež podać, zo so wobłuki tabelow kóžde n sekundow aktualizuja.
Importowy filter móže mjena za celowe wobłuki za wokomik wutworić. Telko formatěrowanjow kaž móžno so wobchowuje, mjeztym zo filter z wotpohladom wobrazy njezačita.
Přez Nawigator zasadźić
-
Wočińće dwaj dokumentaj: tabelowy dokument LibreOffice, w kotrymž so maja eksterne daty zasadźić (cilowy dokument) a dokument, z kotrehož eksterne daty pochadźeja (žórłowy dokument).
-
Wočińće Nawigator w cilowym dokumenće.
-
Wubjerće žórłowy dokument w delnim kombinaciskim polu Nawigatora. Nawigator nětko mjena wobłukow a wobłuki datoweje banki abo tabele pokazuje.
-
Wubjerće w Nawigatorje ćehnjenski modus Jako zwjazanje zasadźić
. -
Ćehńće požadane eksterne daty z Nawigatora do ciloweho dokumenta.
Jeli sće HTML-dokument z filtrom wotprašenje webstrony jako žórłowy dokument začitał, namakaće tabele w Nawigatorje, běžnje wot „HTML_table1“ wyše pomjenowane, a tež dwě lince, kotrejž stej so wutworiłoj:
-
HTML_all – woznamjenja cyły dokument
-
HTML_tables – woznamjenja wšě HTML-tabele w dokumenće
Eksterne daty wobdźěłać
-
Wočińće Wobdźěłać – Zwjazanja…. Tu móžeće zwjazanje z eksternymi datami wobdźěłać.