Cele pomjenować

Dowolene mjena

Mjena w Calc móža pismiki, numeriske znamješka a podsmužku wobsahować. Mjena dyrbja so z pismikom abo podsmužku započeć.

Dowolene wosebite znamješka:

• podsmužka (_)

Mjena njesmědźa samsne kaž za celowe poćahi być. Mjeno A1 na přikład je njepłaćiwe, dokelž A1 je celowy poćah za celu nalěwo horjeka.

Mjena njesmědźa so z pismikom C abo R slědowanym přez ličbu započeć; tež jednotliwej znamješce C a R njejstej jako mjenje dowolenej. Hlejće funkciju ADRESA za dalše informacije.

Mjena za celowe wobłuki njesmědźa mjezoty wobsahować. Mjezoty su w mjenach za tabele a dokumenty dowolene.

Cele a formle pomjenować

Dajće wobłukam mjena, zo byšće poćahi na cele a celowe wobłuki w formlach spóznajomne činił. Móžeće na přikład wobłuk A1:B2 start pomjenować. Móžeće potom formlu kaž na přikład„=SUMA(start)“ pisać. Samo hdyž linki abo špalty zasadźujeće abo zhašeće, LibreOffice wobłuki, kotrež so po mjenje identifikuja, korektnje připokazuje. Mjena wobłukow njesmědźa mjezoty wobsahować.

Je na přikład wjele lóšo, formlu za nadhódnotowy dawk čitać, jeli móžeće „=suma * dawkowa sadźba“ město „=A5 * B12“ pisać. W tutym padźe pomjenujeće celu A5 „Suma“ a celu B12 „Dawkowa sadźba“.

Wužiwajće dialog Mjena definować, zo byšće mjena za formle abo dźěle formlow definować, kotrež husto wužiwaće. Zo byšće wěste wobłukowe mjena podał,

1. Wubjerće celu abo celowy wobłuk a potom Tabela – Pomjenowane wobłuki a wurazy – Definować…. Dialog Mjena definować so zjewi.

2. Zapodajće mjeno wubraneho wobłuka do pola Mjeno. Klikńće na Přidać. Nowo definowane mjeno so w lisćinje deleka zjewi.

Móžeće tež druhe celowe wobłuki w tutym dialogu pomjenować, hdyž mjeno do pola zapodawaće a potom wotpowědne cele wuběraće.

Jeli mjeno do formle zapodawaće, widźiće, po tym zo sće prěnje znamješka zapodał, mjeno jako pokiw.

• Tłóčće tastu Enter, zo byšće mjeno z pokiwa přewzał.

• Jeli so wjace hač jedne mjeno ze samsnym pismikom započina, móžeće z pomocu tastow + tabulator (↹) a wróćo Umsch (⇧) + + tabulator (↹) kulić.