Pomoc za LibreOffice 24.8
Móžeće swójske funkcije w LibreOffice Calc na slědowace wašnja wužiwać:
Móžeće swójske funkcije z pomocu Basic-IDE definować. Tuta metoda sej zakładne znajomosće programowanja wužaduje.
Móžeće funkcije jako přidatki programować. Tuta metoda sej pokročene znajomosće programowanja wužaduje.
Wubjerće .
Widźiće nětko Basic IDE.
Klikńće we woknje Objektowy katalog dwójce na modul, hdźež chceće swoje makro składować.
Zapodajće funkciski kod. W tutym přikładźe definujemy funkciju WOL(a; b; c), kotraž wolumen praworóžkateho ćělesa z bóčnymi dołhosćemi a, b a c wuličuje:
Function VOL(a, b, c)
VOL = a*b*c
End Function
Začińće wokno Basic IDE.
Waša funkcija so awtomatisce we wubranym modulu składuje a je nětko k dispoziciji. Jeli funkciju w dokumenće Calc nałožujeće, kotryž so na druhim ličaku wužiwa, móžeće funkciju do dokumenta Calc kopěrować, kaž so w přichodnym wotrězku wopisuje.
W kroku 2 „Funkciju z LibreOffice Basic definować“ sće w dialogu Makro na Wobdźěłać… kliknył. W polu Makro z je po standardźe modul Moje makra – Standard – Module1 wubrany. Biblioteka Standard je we wašim lokalnym wužiwarskim zapisu.
Jeli chceće swójsku funkciju do dokumenta Calc kopěrować:
Wubjerće .
Wubjerće w polu Makro z Moje makra – Standard – Module1 a klikńće na Wobdźěłać.
Wubjerće w Basic IDE žórło swójskeje funkcije a kopěrujće ju do mjezyskłada.
Začińće Basic IDE.
Wubjerće .
Wubjerće w polu Makro z (mjeno dokumenta Calc) – Standard – Module1. Klikńće na Wobdźěłać.
Zasadźće wobsah mjezyskłada do Basic IDE dokumenta.
Hdyž sće funkciju WOL(a; b; c) w Basic IDE definował, móžeće ju na samsne wašnje kaž zatwarjene funkcije LibreOffice Calc nałožić.
Wočińće dokument Calc a zapodajće ličby za funkciske parametry a, b a c do celow A1, B1 a C1.
Stajće kursor do druheje cele a zapodajće tole:
=VOL(A1;B1;C1)
Funkcija so wuhódnoćuje a widźiće wuslědk we wubranej celi.